قازاقستاندا تەرروريزم مەن ەكسترەميزمدى ۇگىتتەۋگە باعىتتالعان 94 سايتتىڭ قىزمەتىنە شەكتەۋ قويىلدى
«قازاقستان رەسپۋبليكاسى اقپارات جانە كوممۋنيكاتسيالار مينيسترلىگىنىڭ بايلانىس، اقپاراتتاندىرۋ جانە بۇقارالىق اقپارات قۇرالدارى سالاسىنداعى مەملەكەتتىك باقىلاۋ كوميتەتى (ءارى قاراي - كوميتەت) 2016 -جىلى ەسىل اۋدانىنىڭ سوتىنا قازاقستان رەسپۋبليكاسىنىڭ ازاماتتىق پروتسەسستىك كودەكسىنىڭ (ءارى قاراي - كودەكس) 48-تاراۋىنا سايكەس، قازاقستان رەسپۋبليكاسىنىڭ زاڭدارىنا قايشى كەلەتىن اقپاراتتى قامتيتىن شەتەلدىك بۇقارالىق اقپارات قۇرالىنىڭ ءونىمىن زاڭسىز دەپ تانۋ تۋرالى 18 تالاپ-ارىز جولداعان.
وسى ساناتتاعى ازاماتتىق ىستەر اۋداندىق سوتپەن قارالىپ، تالاپ-ارىزدى قاناعاتتاندىرۋ تۋرالى شەشىم شىعارىلعان. كودەكستىڭ 54-بابىنا سايكەس، استانا قالاسى «ەسىل» اۋدانىنىڭ پروكۋراتۋراسىمەن اتالعان ىستەرگە پروكۋروردىڭ قاتىسۋى قامتاماسىز ەتىلىپ، ءتيىستى قورىتىندى بەرىلگەن.
ازاماتتىق ىستەردى قاراۋ ناتيجيەسى بويىنشا، قازاقستان رەسپۋبليكاسىنىڭ اۋماعىندا ۇلتتىق قاۋىپسىزدىككە كەرى اسەرىن تيگىزەتىن، تەرروريزم، ەكسترەميزم جانە سەپاراتيزمنىڭ كەز كەلگەن نىسانىن ۇگىتتەۋگە باعىتتالعان 94 -سايتتىڭ قىزمەتىنە شەكتەۋ قويىلعان»، - دەپ جازىلعان حابارلامادا.
شەشىم زاڭدى كۇشىنە ەندى.
