15:40, 28 - قىركۇيەك 2020 | GMT +6
قازاقستان پوليتسەيلەرى ت م د ەلدەرىندە بوي تاسالاپ جۇرگەن 93 ادامدى ۇستادى
نۇر-سۇلتان. قازاقپارات - قازاقستان پوليتسەيلەرى «ىزدەۋ» وپەراتسياسى بارىسىندا ت م د ەلدەرىندە بوي تاسالاپ جۇرگەن 93 ادامدى ۇستادى.
بۇل تۋرالى ق ر ىشكى ىستەر مينيسترلىگىنىڭ رەسمي وكىلى ءنۇردىلدا وراز ايتتى، دەپ حابارلايدى قازاقپارات ءتىلشىسى.
«وتكەن اپتادا ىشكى ىستەر مينيسترلىگى ت م د ەلدەرىندەگى ارىپتەستەرىمەن بىرىگىپ، «ىزدەۋ» وپەراتسياسىن جۇزەگە اسىردى. شارا بارىسىندا ىزدەۋدە جۇرگەن 240 كۇدىكتى قولعا ءتۇستى. قازاقستان پوليتسەيلەرى دوستاستىق ەلدەرىندە بوي تاسالاپ جۇرگەن 93 ازاماتتى ۇستادى. سونىمەن قاتار، وسى ۋاقىتقا دەيىن جوعالىپ كەتكەن 89 ادام انىقتالدى»، - دەدى رەسمي وكىل ءى ءى م-نىڭ Facebook پاراقشاسىندا وتكەن بريفينگ بارىسىندا.
ءنۇردىلدا ورازدىڭ ايتۋىنشا، وتكەن اپتادا 3378 قىلمىس پەن قۇقىق بۇزۋشىلىق تىركەلىپ، ىشكى ىستەر ورگاندارى قىزمەتكەرلەرىنىڭ جەدەل ارەكەت ەتۋى ناتيجەسىندە 2199 قىلمىس اشىلعان.
اۆتور: مارلان جيەمباي
