الماتى وبلىسىندا 933 مىڭ شارشى مەتر باسپانا پايدالانۋعا بەرىلدى - اكىم ورىنباسارى
«وبلىس بويىنشا بيىل قۇرىلىس سالاسىنا 130 ملرد تەڭگە جۇمسالدى. بۇل بىلتىرمەن سالىستىرعاندا، 36 پايىزعا ارتىق. جىل باسىنان بەرى 933 مىڭ شارشى مەتر تۇرعىن ءۇي پايدالانۋعا بەرىلدى. بۇل - ەلىمىزدىڭ وزگە ءىرى قالالارىمەن سالىستىرعاندا، وتە جاقسى كورسەتكىش دەپ ويلايمىن. مىسالى، جارتى جىلدا استانادا 1 ملن شارشى مەتردەن ءسال اساتىن باسپانا پايدالانۋعا بەرىلگەن ەكەن. وسىنداي دەڭگەيدە باسپانا سالۋ - الماتى وبلىسى ءۇشىن ۇلكەن رەكورد» ، - دەيدى اكىمنىڭ ورىنباسارى.
س. تۇردالييەۆتىڭ ايتۋىنشا، وبلىسىمىزدىڭ بيۋدجەتى 343,8 ملرد تەڭگەنى قۇرايدى. «وسى جىلدىڭ 1-قىركۇيەگىندەگى جاعدايعا سايكەس، 220 ملرد تەڭگە يگەرىلدى. مەملەكەتتىك بيۋدجەتكە 164 ملرد تەڭگە ءتۇستى، بۇنداعى جەرگىلىكتى بيۋدجەتتىڭ ۇلەسى 83 پايىزدى قۇرايدى» ، - دەپ تولىقتىردى ايماق باسشىسىنىڭ ورىنباسارى.
س. تۇرداليەۆ ءمالىم ەتكەندەي، ايماقتا ۇكىمەتتىڭ باعدارلامالاردىڭ بارلىعى جۇزەگە اسىرىلۋدا. بۇل رەتتە، تسيفرلارعا توقتالعان اكىم ورىنباسارى ايماقتا «جۇمىسپەن قامتۋ» جول كارتاسىن جۇزەگە اسىرۋ ءۇشىن 3,6 ملن تەڭگە بولىنگەنىن جەتكىزدى. «جىل باسىنان بەرى وسى باعدارلاما اياسىندا وبلىس بويىنشا 8679 ادام جۇمىسپەن قامتىلدى» ، - دەپ تولىقتىردى ول.
اۆتور: كەنجەكەي توقتامۇرات قىزى
