19:58, 15 - تامىز 2023 | GMT +6
وڭتۇستىك كورەيا پرەزيدەنتىنىڭ اكەسى 92 جاسىندا دۇنيە سالدى
سەۋل. قازاقپارات - سەيسەنبى كۇنى سەۋلدە وڭتۇستىك كورەيا پرەزيدەنتى يۋن سوك ەلدىڭ اكەسى يۋن گي چجۋن 92 جاسىندا قايتىس بولدى، دەپ حابارلايدى قازاقپارات ءتىلشىسى Yonhap-قا سىلتەمە جاساپ.
يۋن گي چجۋن ەنسە ۋنيۆەرسيتەتىنىڭ قۇرمەتتى پروفەسسورى بولدى جانە 1973-1997-جىلدار ارالىعىندا ستۋدەنتتەرگە قولدانبالى ستاتيستيكا پانىنەن ساباق بەرگەن.
حابارلانعانداي، پروفەسسور سەۋل ۇلتتىق ۋنيۆەرسيتەتىنىڭ اۋرۋحاناسىنا جاتقىزىلدى. پرەزيدەنت اكەسىنىڭ سوڭعى دەمى قالعانشا ونىڭ قاسىندا بولدى.
رەسمي تۇلعالاردىڭ ايتۋىنشا، يۋن گي چجۋندى جەرلەۋ ءراسىمى سەۋلدە وتەدى.
جۇما كۇنى يۋن سوك ەل ۆاشينگتون ماڭىنداعى كەمپ-دەۆيدتەگى ا ق ش پرەزيدەنتىنىڭ رەزيدەنتسياسىندا ا ق ش، جاپونيا جانە وڭتۇستىك كورەيا كوشباسشىلارىنىڭ ءۇشجاقتى سامميتىنە قاتىسادى دەپ كۇتىلۋدە.
