الماتىدان ەل بيۋدجەتىنە 929 ميلليارد تەڭگە سالىق ءتۇستى
سپيكەردىڭ بريفينگتە كەلتىرگەن كورسەتكىشىن وتكەن جىلدىڭ وسى كەزەڭىمەن سالىستىرعاندا، %153 - عا نەمەسە 322 ميلليارد تەڭگەگە ارتىق ەكەنى بايقالادى. مۇنىڭ ىشىندە، رەسپۋبليكالىق بيۋدجەتكە 675 ميلليارد تەڭگە تۇسكەن. بۇل 2021 -جىلعا قاراعاندا 237 ميلليارد تەڭگەگە كوپ، ياعني ءوسۋ قارقىنى - 154 پايىز. جەرگىلىكتى بيۋدجەتكە 254 ميلليارد تەڭگە ءتۇستى.
«بۇگىنگى كۇنگە قول جەتكەن قارقىندى ءبىز ساقتاۋعا مىندەتتىمىز. بۇل جاعدايدا جىل سوڭىندا الماتى قالاسىنىڭ مەملەكەتتىك بيۋدجەتىنە ءتۇسىمى العاش رەت 3 تريلليون تەڭگەدەن اساتىن بولادى، بۇل - ءبىز ءۇشىن ماڭىزدى وقيعا»، - دەدى قانات باەدىلوۆ.
ايتا كەتەيىك، رەسپۋبليكانىڭ مەملەكەتتىك بيۋدجەتىندەگى الماتىنىڭ ۇلەسى زور.
«ءبىزدىڭ قالامىزدىڭ رەسپۋبليكالىق بيۋدجەتكە ءتۇسىم بويىنشا «دونور» ەكەنى بارشاعا ايان. مىسالى، بىلتىر الماتى قالاسىنىڭ بيۋدجەتىنەن رەسپۋبليكالىق بيۋدجەتكە شامامەن 190 ميلليارد تەڭگە الىندى»، - دەيدى سپيكەر.
اۆتور: الما مۇقانوۆا
