بريتاندىق سپورتشى قىز 923 قىش سىندىرىپ، گيننەستىڭ رەكوردتار كىتابىنا ەندى - كەسكىن

استانا. قازاقپارات -  ۇلى بريتانيالىق تاەكۆوندو شەبەرى ليزا دەننيس ءبىر مينۋتتىڭ ىشىندە جابىنقىش سىندىرۋدان ايەلدەر اراسىندا الەمدىك رەكورد ورناتتى، دەپ حابارلادى UPI. Guinness World Records Italian Show تەلەباعدارلاماسىندا سپورتشى ءبىر مينۋتتىڭ ىشىندە 923 قىش سىندىردى.

العاشىندا دەننيس ءبىر ۋاقىتتا ەكى قولىمەن دە جابىنقىش سىندىردى. وسىلايشا، جابىنقىشتاردىڭ ۇشتەن ەكى بولىگىن تاۋىستى. ال اياق جاعىندا سپورتشى وڭ قولىمەن عانا جۇمىس ىستەدى، سوندىقتان ءوزى ماقسات تۇتقان مىڭ جابىنقىشتى سىندىرىپ ۇلگەرمەدى.

بريتاندىق قىز كورسەتكەن ناتيجە گيننەستىڭ رەكوردتار كىتابىنا ەنەتىن بولدى. ءبىر قىزىعى، ەرلەر اراسىنداعى مۇنداي رەكورد ونىڭ كۇيەۋىنە تيەسىلى.