قازاقستاندا ا ي-92/93 ماركالى بەنزينىنىڭ باعاسى قىمباتتايدى
2015 - جىلدىڭ 26 - مامىرىندا ق ر ەنەرگەتيكا مينيسترلىگىندە ق ر ۇلتتىق ەكونوميكا مينيسترلىگىمەن كەلىسىلگەن «باعالارىنا مەملەكەتتىك رەتتەۋ بەلگىلەنگەن بولشەك ساۋدادا وتكىزىلەتىن مۇناي ونىمدەرىنە شەكتى باعالاردى بەلگىلەۋ تۋرالى ق ر ەنەرگەتيكا ءمينيسترىنىڭ №361 بۇيرىعى جاريالاندى.
«مۇناي ونىمدەرىنىڭ جەكەلەگەن تۇرلەرىن ءوندىرۋدى جانە ولاردىڭ اينالىمىن مەملەكەتتىك رەتتەۋ تۋرالى» قازاقستان رەسپۋبليكاسىنىڭ 2011- جىلعى 20 - شىلدەدەگى زاڭىنا سايكەس، باعالارىنا مەملەكەتتىك رەتتەۋ بەلگىلەنگەن بولشەك ساۋدادا وتكىزىلەتىن مۇناي ونىمدەرىنە ق ق س ەسەبىمەن شەكتى باعالار مىناداي مولشەردە بەلگىلەنسىن: ديزەل وتىنىنىڭ 1 ليترى ءۇشىن 99 تەڭگە؛ ا ي-80 بەنزينىنىڭ 1 ليترىنە - 89 تەڭگە، ا ي-92/93 بەنزينىنىڭ 1 ليترىنە - 108 تەڭگە»، - دەپ اتاپ وتىلگەن مينيسترلىك مالىمەتىندە.
وسى ورايدا مۇناي ونىمدەرىنە شەكتى باعالاردى بەلگىلەۋ تۋرالى ق ر ەنەرگەتيكا ءمينيسترىنىڭ 2015 - جىلعى 10 - اقپانداعى بۇيرىعىنىڭ كۇشى جويىلدى دەپ تانىلدى.
ەستەرىڭىزگە سالا كەتەيىك، وسى كۇنگە دەيىن شەكتى باعا اي-92/93 بەنزينىنىڭ 1 ليترىنە 99 تەڭگە بولعان ەدى.
اۆتور: رۋسلان عابباسوۆ
