ا ي-92/93 بەنزينى باعاسى ليترىنە 140-150 تەڭگەگە جەتۋى مۇمكىن
«بۇگىندە مۇنايدىڭ باررەلى 50 دوللار، باعام - 240 تەڭگە، بەنزيننىڭ ءليترى -108 تەڭگە، ياعني بۇل ليترىنە 40 سەنت دەڭگەيىندە. ارينە، وسىنداي بەنزيندى الىپ كەلۋ مۇمكىن ەمەس. الايدا، ونىڭ قاي دەڭگەيگە دەيىن كوتەرىلەتىندىگىن ەشكىم دە بىلمەيدى. مۇمكىن ليترىنە 140 نەمەسە150 تەڭگە بولۋى مۇمكىن، سونداي- اق ليترىنە 142-143 تەڭگە دەڭگەيىندە قالىپتاسۋى ىقتيمال» ، - دەدى مينيستر.
ونىڭ سوزىنە قاراعاندا، شامادان تىس باعانىڭ كوتەرىلمەۋىن مونوپولياعا قارسى زاڭناما قاداعالايتىن بولادى.
«احۋال قالىپتى دەڭگەيدە قالىپتاسادى دەپ كۇتۋدەمىز. ءبىراقتا قازىر الدىن الا بولجاۋ قيىنداۋ بولىپ تۇر» ، - دەدى ۆ. شكولنيك.
بۇدان بۇرىن حابارلانعانداي، ۇكىمەت اي-92/93 بەنزينى باعاسىن مەملەكەتتىك رەتتەۋدەن باس تارتتى. قازاقستان بۇرىندارى رەسەيدەن جەتپەيتىن بەنزيندى 97 تەڭگەدەن العان ەدى، ياعني 1 رۋبل - 2,95 تەڭگە باعامى بويىنشا. بۇگىندە تەڭگەنىڭ ەركىن باعامى اياسىندا بەنزين 120 تەڭگەدەن ساتىپ الىنىپ، 108 تەڭگەدەن ساتىلۋدا. «سايكەسىنشە، شىعىنمەن ەشكىم دە جۇمىس ىستەگىسى كەلمەيدى. ەگەر وسىلاي جالعاسسا، جاقىن ارادا، قىركۇيەكتىڭ اياعىنا قاراي بەنزين تاپشىلىعى تۋىندايدى» ، - دەدى ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر پرەمەر- ءمينيسترىنىڭ ءبىرىنشى ورىنباسارى باقىتجان ساعىنتايەۆ.
اۆتور: رۋسلان عابباسوۆ
