سەيداحمەت بەردىقۇلوۆتىڭ 90 جىلدىعىنا ارنالعان بيليارد تۋرنيرىنىڭ جەڭىمپازدارى انىقتالدى
64 ادام باق سىناعان تۋرنيرگە جوعارى ۇلتتىق دارەجەدەگى تورەشى نەسىپ ءجۇنىسباي ۇلى قازىلىق ەتتى. جارىستىڭ اشىلۋ سالتاناتىندا ول سەيداحمەت بەردىقۇلوۆتىڭ 90 جىلدىعى بيىل كۇزدە رەسپۋبليكا كولەمىندە اتالىپ وتەتىنىن ايتتى.
«مەن سەيداحمەت بەردىقۇلوۆتى قازاقستانداعى №1 جۋرناليست دەپ سانايمىن. ول تابيعي جازۋشى، كەرەمەت رەداكتور بولدى. ونىڭ يدەيالارى كابينەتىنە سىيماي، سىرتقا شىعىپ جاتاتىن. اعامىز 61 جىل عۇمىرىندا ارتىنا وشپەس دۇنيەلەر قالدىردى. مەن اقپارات ءمينيسترى دارحان قىدىرالىگە حات جازعان ەدىم، ول كىسىدەن «بيىل كۇزدە سەيداحمەت بەردىقۇلوۆتىڭ 90 جىلدىعى رەسپۋبليكا كولەمىندە اتاپ وتىلەدى» دەگەن جاۋاپ كەلدى»، - دەدى نەسىپ ءجۇنىسباي.
جارىس قورىتىندىسىنا كەلەر بولساق:
باس جۇلدە (500 مىڭ تەڭگە) - «شۋ ءوڭىرى» گازەتىنىڭ باس رەداكتورى ەرعالي قارتايعان،
I ورىن (300 مىڭ تەڭگە) - «ك ت ك» تەلەارناسىنىڭ ءتىلشىسى ەرلانبي سەنكەبايەۆ،
II ورىن (200 مىڭ تەڭگە) - جازۋشىلار وداعىنىڭ مۇشەسى نۇرتاس تۇرعانبەك،
III ورىن (100 مىڭ تەڭگە) - كوللاج جاساۋشى يلياس سارسەيەۆكە بۇيىردى.
جاقسى ويىن كورسەتكەن ارداگەر جۋرناليستەر ايان نىسانالين، قاينار ولجاي، نەسىپ ءجۇسىپباي، تۇرماعانبەت كەنجەبايەۆ، جاقىپجان نۇرعوجايەۆتار العىس حات جانە 50 مىڭ تەڭگە كولەمىندە اقشالاي سىيلىقتارمەن ماراپاتتالدى.
ايتا كەتەيىك، ءىس- شارانى «جاس الاش» رەسپۋبليكالىق گازەتى ۇيىمداستىردى.
