13:40, 20 - ءساۋىر 2023 | GMT +5
يەمەندە ساداقا تاراتۋ كەزىندە كەم دەگەندە 90 ادام قازا تاپتى
استانا. قازاقپارات - حۋسيتتەردىڭ «اڭسار اللاھ» كوتەرىلىسشىلەر قوزعالىسى باقىلاۋىنداعى سانا قالاسىندا ساداقا تاراتۋ كەزىندەگى الاساپىراننىڭ سالدارىنان كەم دەگەندە 90 ادام قازا تاۋىپ، 300 دەن استام ادام جاراقات الدى.
بۇل تۋرالى قازاقپارات رەسەيلىك تاسس اقپارات اگەنتتىگىنە سىلتەمە جاساپ حابارلايدى.
وقيعا بەيسەنبى كۇنى تۇندە قالانىڭ ورتالىق بولىگىندە ورنالاسقان باب- ەل-يامان اۋدانىندا بولعان.
تەلەارنا مالىمەتىنشە، سىعىلىسۋ «بىرنەشە كوپەستىڭ» ساداقا تاراتۋى كەزىندە بولعان، قازىرگى كەزدە ولاردىڭ ەكەۋى قاماۋعا الىنعان.
«اڭسار اللاح» جوعارى ساياسي كەڭەسىنىڭ باسشىسى ماحدي ءال-ماشات ۆەدومستۆونىڭ Twitter-دەگى پاراقشاسىندا حابارلانعانداي، وقيعانى تەكسەرۋ ءۇشىن ىشكى ىستەر ورگاندارى مەن پروكۋراتۋرا وكىلدەرىنەن كوميسسيا قۇرۋدى تاپسىردى.
