جول سالاسىندا جۇرگەن مامانداردىڭ 90 پايىزىندا ارنايى ءبىلىم جوق
اسىرەسە اۋداندىق جولداردان الىنعان سىنامالاردىڭ 35 پايىزى نورماعا ساي كەلمەيتىنىن كورسەتكەن.
ماماندار بۇل كەمشىلىكتەر تىكەلەي جەرگىلىكتى جول ءبولىمى قىزمەتكەرلەرىنە بايلانىستى بولعانىن ايتادى.
سەبەبى، ولاردىڭ باسىم كوپشىلىگىنىڭ ارنايى ماماندىعى ساي كەلمەيدى. ماسەلەن، ەلىمىزدە اتالعان سالادا 1 جارىم مىڭداي ادام جۇمىس ىستەيدى. سونىڭ 10 پايىزىندا عانا ءتيىستى ديپلوم بار. ياعني اۋداندارداعى ينفراقۇرىلىمعا جاۋاپ بەرەتىن مامانداردىڭ 90 پايىزىندا جول قۇرىلىسىنا قاتىستى تەحنيكالىق ءبىلىمى مەن كاسىبي تاجىريبەسى جوق. سوندىقتان «جول اكتيۆتەرى ۇلتتىق ساپا ورتالىعى» ءار وڭىردەگى اۋدان، قالالارداعى مامانداردى وقىتۋدى قولعا الدى.
بۇگىن ولار شىمكەنت قالاسى مەن تۇركىستان وبلىسىندا سەمينار وتكىزدى. ورتالىقتىڭ ماتەريالدىق تەحنيكالىق بازاسىمەن، زەرتحانا جۇمىسىمەن تانىستىردى.
جول سالۋ جوبالارىنىڭ ساپاسىن باقىلاپ، دياگنوستيكالاۋ جانە پاسپورتتاۋدى ۇيرەتتى.
