قاراعاندى وبلىسىندا يندۋستريالاندىرۋ كارتاسى جوبالارىنىڭ 90 پايىزى جوبالىق قۋاتىنا كوشتى
ونىڭ 54 ءى جوبالىق قۋاتتىلىعىنا كوشتى. بۇل تۋرالى وبلىستىق ونەركاسىپ جانە يندۋستريالدىق-يننوۆاتسيالىق دامۋ باسقارماسىنىڭ باسشىسى تولەگەن يگەمبايەۆ حابارلادى.
«قازىرگى تاڭدا قاراعاندى وبلىسىنان يندۋستريالاندىرۋ كارتاسىنا جالپى قۇنى شامامەن 1 350 ميلليارد تەڭگەنى قۇرايتىن 94 جوبا ەندى. 11 مىڭنان استام جاڭا جۇمىس ورنى قۇرىلۋى ءتيىس. ولاردىڭ ىشىندە رەسپۋبليكالىق كارتاعا «ارسەلورميتتال تەمىرتاۋ» ا ق جوباسى ەنگىزىلدى. ۇيلەستىرۋ كەڭەسى تاعى ەكى جوبانى رەسپۋبليكالىق يندۋستريالاندىرۋ كارتاسىنا ەنگىزۋدى ۇسىندى. وڭىرلىك كارتادا جالپى قۇنى 345,7 ميلليارد تەڭگەنى قۇرايتىن 91 جوبا ەندى. ول جۇزەگە اسقان جاعدايدا 8 مىڭنان استام جاڭا جۇمىس ورنى قۇرىلادى»، - دەدى ت. يگەمبايەۆ وبلىستىق اكىمدىكتەگى اپپاراتتىق كەڭەستە.
ونىڭ اقپاراتىنشا، قۇنى 174,7 ميلليارد تەڭگە 71 جوبا جۇزەگە استى، 5345 جاڭا جۇمىس ورنى اشىلادى.
«2010-جىل مەن 2016-جىلدىڭ ماۋسىم ارالىعىندا ىسكە قوسىلعان جوبالار 356,5 ميلليارد تەڭگەنىڭ ونەركاسىپتىك ءونىمىن شىعاردى، سونىڭ ىشىندە 2016-جىلدىڭ 6-ايىندا 65,4 ميلليارد تەڭگەنىڭ ءونىمى شىعارىلدى. 71 جوبانىڭ 54 ءى، ياعني %90 جوبالىق قۋاتىنا كوشتى»، - دەدى باسقارما باسشىسى.
12 جوبا جوبالىق قۋاتتىلىعىنا كوشپەگەن. وعان بەلگىلى ءبىر سەبەپتەرى بار.
«كاسىپكەرلىكتى قولداۋ كارتاسى اياسىندا 2015-2019 -جىلدارى وبلىستا جالپى قۇنى 1,2 تريلليون تەڭگەنىڭ 36 جوبا ىسكە قوسىلدى. 6600 جاڭا جۇمىس ورنى قۇرىلدى، ونىڭ 33 وڭىرلىك، سوماسى 222,7 ميلليارد تەڭگە، شامامەن 3600 جاڭا جۇمىس ورنى قۇرىلادى. 2016-جىلى سوماسى 101 ميلليارد تەڭگەدەن اساتىن كاسىپكەرلىكتى قولداۋ كارتاسىنىڭ 10 جوباسىن جۇزەگە اسىرۋ كوزدەلگەن. 884 جاڭا جۇمىس ورنى قۇرىلماق»، - دەپ حابارلادى باسقارما باسشىسى.
