قىتايدا 900 جىل بۇرىن سالىنعان ەڭ ۇزىن اعاش كوپىر جانىپ كەتتى

فۋجيان. قازاقپارات - 900 جىلدان استام ۋاقىت بۇرىن سالىنعان قىتايداعى ەڭ ۇزىن كوپىر - ۆانان ورتكە ورانىپ، تولىعىمەن قيرادى، دەپ حابارلايدى قازاقپارات Euronews-كە سىلتەمە جاساپ.

كونە كوپىر فۋجيان پروۆينتسياسىنداعى پيننان ۋەزىندە ورنالاسقان. ءورت سەنبى كۇنى كەشكە باستالعان. جەكسەنبىدە جالىندى اۋىزدىقتاۋ مۇمكىن بولدى. زارداپ شەككەندەر جوق. وتتىڭ تۇتانۋ سەبەبى انىقتالىپ جاتىر.

كوپىردىڭ جالپى ۇزىندىعى - 98,2 مەتر، ەنى - 4,7 مەتر. ول سۋن ديناستياسىنىڭ (960-1279 گ گ. ) بيلىگى كەزىندە سالىندى. كوپىردە بۇعان دەيىن - 1742 -جىلى ءورت بولعان ەدى. كەيىن ول جوندەلدى. 2006 -جىلى كوپىر ۇلتتىق دەڭگەيدە قورعالۋعا جاتاتىن نىساندار تىزىمىنە ەنگىزىلدى. ول اعاشتان جاسالعان قىتايداعى ەڭ ۇزىن ارقالى كوپىر بولدى.