قازاقستاننىڭ جالپى حالىقارالىق رەزەرۆى 900 ميلليون دوللارعا ازايدى

«التىن- ۆاليۋتا رەزەرۆتەرى التىن باعاسىنىڭ قورعانىش اكتيۆ رەتىندە التىنعا سۇرانىستىڭ تومەندەۋى اياسىندا ءبىر ۋنسيا ءۇشىن 1853 دوللاردان 1765 دوللارعا دەيىن، 5 پايىزعا تومەندەۋى اياسىندا التىن پورتفەلىنىڭ 1 ميلليارد ا ق ش دوللارىنا تومەندەۋىنە بايلانىستى بيىلعى اقپاندا 34,7 ميلليارد ا ق ش دوللارىنا دەيىن 830 ميلليون ا ق ش دوللارىنا تومەندەدى»، - دەدى 2021 -جىلدىڭ قاڭتار- اقپانىنداعى ەلىمىزدىڭ الەۋمەتتىك- ەكونوميكالىق دامۋ قورىتىندىسى جايىندا بايانداعان ەربولات دوسايەۆ.
ونىڭ اتاپ وتۋىنشە، ەركىن ايىرباستالاتىن ۆاليۋتاداعى اكتيۆتەردىڭ ءوسۋى نەگىزىنەن ەكىنشى دەڭگەيدەگى بانكتەر قاراجاتىنىڭ ۇلتتىق بانكتەگى ۆاليۋتالىق شوتتارعا 273 ميلليون ا ق ش دوللارىنىڭ ءتۇسۋى ەسەبىنەن 178 ميلليون ا ق ش دوللارىن قۇرادى. 43 ميلليون ا ق ش دوللارى كولەمىندەگى مەملەكەتتىك بورىشتى تولەۋ جانە كليەنتتەردىڭ ۇلتتىق بانك شوتتارىنداعى قاراجاتىنىڭ ازايۋى ەكىنشى دەڭگەيدەگى بانكتەر قاراجاتىنىڭ ءتۇسۋ اسەرىن ءىشىنارا تەڭەستىردى. «جالپى حالىقارالىق رەزەرۆتەر اقپاندا 92,36 ميلليارد ا ق ش دوللارىنا دەيىن 900 ميلليون ا ق ش دوللارىنا تومەندەدى»، - دەدى ەربولات دوسايەۆ.
2021 -جىلدىڭ اقپانىندا ۇلتتىق قور اكتيۆتەرى 57,6 ميلليارد دوللاردى قۇرادى.
«ۇلتتىق قوردىڭ اكتيۆتەرى ءبىر ايدىڭ ىشىندە 70 ميلليون ا ق ش دوللارىنا مىنا سەبەپتەر بويىنشا تومەندەپ، بيىلعى جىلعى اقپاننىڭ سوڭىندا 57,6 ميلليارد ا ق ش دوللارىن قۇرادى: بيىلعى جىلعى اقپاندا 375 ميلليارد تەڭگەگە نەمەسە 900 ميلليون ا ق ش دوللارىنا نىسانالى جانە كەپىلدەندىرىلگەن ترانسفەرتتەر ءبولۋ ءۇشىن 443 ميلليون ا ق ش دوللارى ساتىلدى؛ ۇلتتىق قورعا تۇسىمدەر 164 ميلليارد تەڭگە، ونىڭ ىشىندە ۆاليۋتالىق تۇسىمدەر 255 ميلليون ا ق ش دوللارى نەمەسە تەڭگە بالاماسىندا 106 ميلليارد بولدى»، - دەدى 2021 -جىلدىڭ قاڭتار- اقپانىنداعى ەلىمىزدىڭ الەۋمەتتىك- ەكونوميكالىق دامۋ قورىتىندىسى جايىندا بايانداعان ەربولات دوسايەۆ.
ونىڭ اتاپ وتۋىنشە، MSCI World اكسيالار يندەكسىنىڭ وسى جىلعى قاڭتارداعى قۇلدىراۋدان كەيىن اقپاندا 2,6 پايىزعا ءوسۋى ۇلتتىق قوردىڭ وڭ ينۆەستيتسيالىق كىرىسىنە ىقپال ەتتى. ول ءبىر ايدا 116 ميلليون ا ق ش دوللارى بولدى.
اۆتور: مارلان جيەمباي