قىتاي قازاقستانعا جارتى جىلدا 900 ميلليون دوللار ينۆەستيتسيا قۇيعان
قىتايلىق ساراپشىلار وسىلاي دەيدى. ءساۋىر ايىندا ەلباسى نۇرسۇلتان نازاربايەتىڭ «ءبىر بەلدەۋ - ءبىر جول» سامميتىنە قاتىسۋى جانە پرەزيدەنت قاسىم جومارت توقايەۆتىڭ قىركۇيەك ايىنداعى قىتايعا العاشقى رەسمي ساپارى ءوزارا الىس-بەرىستى ەسەلەگەن.
مەملەكەت باسشىسىنىڭ ساپارى بارىسىندا قازاقستان مەن قىتاي ىسكەرلىك كەڭەسىنىڭ 6-وتىرىسى ءوتىپ، تاراپتار ءبىرقاتار كوممەرتسيالىق كەلىسىمدەرگە قول قويعان.
قازاقستان ۇلتتىق بانكىنىڭ اقپارى بويىنشا جارتى جىل ىشىندە رەسمي بەيجىڭ ەلىمىزگە 900 ميلليون دوللار كولەمىندە ينۆەستيتسيا سالىپتى.
ال، قىتايلىق شەكارانىڭ مالىمەتىنە ساي العاش رەت ءوزارا تاۋاراينالىم 20 ميلليارد دوللاردان اسىپ جىعىلماق.
يان تسزين، ق ح ر رەسەي، شىعىس ەۋروپا جانە ورتالىق ازيا بويىنشا ينستيتۋتى ءبولىم باسشىسىنىڭ ورىنباسارى:
- ينۆەستيتسيا سالاسىندا ءبىرقاتار جەتىستىكتەرگە جەتىپ وتىرمىز. وعان «ءبىر بەلدەۋ - ءبىر جول» ستراتەگياسى مەن «نۇرلى جول» باعدارلاماسىنىڭ ۇقساستىعى اسەر ەتسە كەرەك. قىتاي ءوز قارجىسىن قازاقستاننىڭ ءوندىرىس، قۇرىلىس، ينفراقۇرىلىم، اۋىل شارۋاشىلىعى سىندى سالالارىنا قۇيدى. ودان بولەك، جوعارى تەحنولوگيالار، يننوۆاتسيا، مەديتسينا جانە تۋريزم بويىنشا ينۆەستيتسيالىق سەرىكتەستىكتى دامىتۋ جوسپاردا بار.
