تۇركيادا 900 ادام قىزمەتىنەن بوساتىلدى

 استانا. قازاقپارات - تۇركيا قىزمەتكەرلەر جۇمىستان بوساتىلعان قىزمەتكەرلەر 15 - شىلدە توڭكەرىسى تۇركيادا ۇكىمەتتىڭ جاڭا قاۋلىسى بويىنشا تاعى 900 مەملەكەتتىك قىزمەتكەر جۇمىستان شىعارىلدى.

قۇجات بىلتىرعى جاز ايىنداعى توڭكەرىستەن سوڭ ەنگىزىلگەن توتەنشە جاعداي اياسىندا قابىلدانعان. بۇدان بولەك پرەزيدەنت رەدجەپ تايىپ ەردوعاننىڭ ۇلتتىق بارلاۋ قىزمەتىنە قاتىستى قۇزىرەتى دە وزگەردى. سوعان سايكەس بۇل مەكەمە باسشىسىنا قارسى تەرگەۋ تەك پرەزيدەنتتىڭ رۇقساتىمەن جۇرگىزىلەتىن بولادى. ايتا كەتەيىك، تۇركيادا وتكەن جىلى شىلدە ايىندا ءبىر توپ اسكەري توڭكەرىس جاساۋعا ارەكەت ەتىپ، 240 ادام قازا تاپتى. ەكى مىڭ كىسى جاراقات الدى. وقيعادان سوڭ ەلدە توتەنشە جاعداي جاريالانىپ، 50 مىڭ تۇرعىن قامالدى. 100 مىڭنان استام مەملەكەتتىك قىزمەتكەر جۇمىستان بوساتىلدى. ال وپپوزيتسيا وكىلدەرى بولسا توتەنشە جاعداي ەلدەگى ادام قۇقىعى مەن ەركىندىگىن شەكتەدى دەپ، نارازىلىق ءبىلدىرىپ وتىر.

www.24.kz