قازاق كۇرەسى تورەشىلەرىنىڭ ءبىر كۇندىك جۇمىسىنا 900 مىڭ تەڭگە تولەنەدى

استانا. قازاقپارات - «قازاقستان بارىسىندا» ءادىل تورەلىكتى قامتاماسىز ەتۋ ءۇشىن تورەشىلەرگە قوماقتى قارجى تولەنەدى.

 بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر قازاق كۇرەسى فەدەراتسياسىنىڭ پرەزيدەنتى ارمان شورايەۆ ءمالىم ەتتى.

«تۋرنيرگە ىرىكتەۋ كەزەڭىندە «نۇر وتان» پارتياسى بىزگە جاقسى كومەكتەسۋدە. پارتيا وكىلدەرىنىڭ اۋداندىق، قالالىق، وبلىستىق دەڭگەيدەگى قاداعالاۋى ارقاسىندا سىبايلاس جەمقورلىققا جول بەرمەي كەلەمىز. ارينە، سىبايلاس جەمقورلىقتى ءجۇز پايىز جەڭۋ مۇمكىن ەمەس، الايدا بۇعان جول بەرمەۋدىڭ شارالارىن بارىنشا اتقارىپ جاتىرمىز»، - دەدى شورايەۆ.

ونىڭ سوزىنە قاراعاندا، بىلتىرعى تاجىريبەدە بالۋاندار مەن كورەرمەندەردىڭ تاراپىنان جاقسى پىكىرگە يە بولعان تورەشىلەر ءبىر جىل بويى وتكەن جارىستاردا ىرىكتەلىندى.

«كەيىن ءبىز جەرەبە تارتۋ ادىسىمەن وسى 20 ادامنىڭ اراسىنان التاۋىن ىرىكتەيمىز. ياعني ولار دودانىڭ باستالۋىنا تەك ءبىر تاۋلىك قالعاندا عانا تورەشى بولاتىندىعىن بىلەدى. ءبىز ءاربىر تورەشىدەن كەپىل زات رەتىندە 200 مىڭ تەڭگەدەن الدىق جانە ولاردىڭ جۇمىسى اياقتالعاننان كەيىن كەپىل زاتتارىن قايتارىپ بەردىك، سونداي- اق ءبىر كۇندىك جۇمىس ءۇشىن ءار تورەشىگە 900 مىڭ تەڭگەدەن تولەدىك. بۇل از اقشا ەمەس، سونىمەن قاتار بۇل سوما ولاردىڭ ءتۇرلى ازعىرتۋلارعا كوبەيتىندىگىنىڭ كەپىلى. بيىل دا وسى جۇيە قولدانىلادى»، - دەدى فەدەراتسيا باسشىسى.

اۆتور: رۋسلان عابباسوۆ