مەملەكەتتىك رامىزدەردى قورلاعاندارعا ايىپپۇل مولشەرى 9,5 ميلليون تەڭگە بولماق

نۇر- سۇلتان. قازاقپارات - مەملەكەتتىك رامىزدەردى قورلاعاندارعا سالىناتىن ايىپپۇل مولشەرىن 3 مىڭ ا ە ك- كە دەيىن ۇلعايتۋ ماسەلەسى پىسىقتالىپ جاتىر. بۇل جايىندا سەنات دەپۋتاتتارىنىڭ ساۋالىنا ق ر پرەمەر- ءمينيسترى ءاليحان سمايىلوۆتىڭ جاۋابىندا ايتىلعان، دەپ حابارلايدى قازاقپارات ءتىلشىسى.

ايتا كەتەيىك، ۇكىمەت باسشىسىنا دەپۋتاتتىق ساۋال جولداعان سەناتورلار مەملەكەتتىك رامىزدەردى قورلاۋ بويىنشا زاڭ باپتارىن بارىنشا قاتايتۋدى، بەلگىلەنگەن ايىپپۇل مولشەرىن ەكى ەسە كوبەيتۋدى جانە جازا مەرزىمىن 5 جىلعا دەيىن ۇزارتۋدى تالاپ ەتكەن بولاتىن.

«قازىرگى ۋاقىتتا قازاقستان رەسپۋبليكاسى قىلمىستىق كودەكسىنىڭ «مەملەكەتتىك رامىزدەردى قورلاۋ» تۋرالى 372-بابىندا كوزدەلگەن جاۋاپكەرشىلىكتى قاتاڭداتۋدى، سونىڭ ىشىندە ەڭ جوعارى ايىپپۇلدى 2000-نان 3000-ايلىق ەسەپتىك كورسەتكىشكە دەيىن ۇلعايتۋ جانە قوعامدىق جۇمىستارعا تارتۋدىڭ ەڭ ۇزاق مەرزىمىن 600-دەن 900 ساعاتقا دەيىن ۇلعايتۋ بويىنشا تۇزەتۋلەردى مۇددەلى مەملەكەتتىك ورگاندار پىسىقتاپ جاتىر»، - دەلىنگەن ءاليحان سمايىلوۆتىڭ جاۋابىندا.

ەستەرىڭىزگە سالا كەتەيىك، 2022 -جىلدىڭ 1- ساۋىرىنەن ەلىمىزدەگى 1 ا ە ك - 3180 تەڭگە. دەمەك، ەندىگى ۋاقىتتا مەملەكەتتىك رامىزدەردى قورلاعاندار 9540000 تەڭگە مولشەرىندە ايىپپۇل تولەۋگە ءماجبۇر بولادى.

اۆتور

مارلان جيەمباي