قازاقستاندا التىننىڭ بولجامدى رەسۋرستارى 9,5 مىڭ تونناعا باعالانىپ وتىر

  استانا. قازاقپارات - قازاقستانداعى پايدالى قازبالاردىڭ باسىمدىقتى تۇرلەرىنىڭ كولەمى بويىنشا جەر قويناۋىنداعى جالپى قوردىڭ وڭتايلى كورسەتكىشتەرى بايقالىپ وتىر .

    بۇل تۋرالى بۇگىن «Astana Mining & Metallurgy» حالىقارالىق   VI تاۋ- كەن مەتاللۋرگيالىق كونگرەسىندە ق ر ينۆەستيتسيالار جانە دامۋ مينيسترلىگى گەولوگيا جانە جەر قويناۋىن پايدالانۋ كوميتەتىنىڭ ءتوراعاسى بازارباي نۇرابايەۆ ءمالىم ەتتى

ونىڭ سوزىنە قاراعاندا، بۇل فاكت جەر قويناۋىن گەولوگيالىق زەرتتەۋدى بۇدان ءارى قاراي جالعاستىرۋ قاجەتتىگىن كورسەتىپ وتىر. «قازاقستاندا التىننىڭ بولجامدى رەسۋرستارى 9,5 مىڭ تونناعا باعالانىپ وتىر، ونىڭ ىشىندە التىن كەنىشى ورىنداردا 7,7 مىڭ توننا، ال كەشەندى التىن قازباسىن قۇرايتىن جەرلەردە  ەكى مىڭ تونناعا جۋىق بار»، - دەدى كوميتەت باسشىسى. 

 ونىڭ سوزىنە قاراعاندا، مىستىڭ بولجامدى رەسۋرستارى 100 ميلليون تونناعا باعالانىپ وتىر. ونىڭ نەگىزگى كولەمى قازىرگى كەزدە بەلگىلى كەنىشتەردە، سونداي- اق قازاقستاننىڭ ورتالىعىنداعى كەن ورىندارىندا شوعىرلانعان. اتاپ ايتقاندا، قازاقستاندا مىرىش پەن قورعاسىننىڭ بولجامدى رەسۋرستارى سايكەسىنشە، 135 ميلليون جانە 58 ميلليون توننانى قامتىعان. بۇل پايدالى قازبالار نەگىزىنەن ەلىمىزدىڭ شىعىس، وڭتۇستىك جانە باتىس وڭىرلەرىندە انىقتالۋدا.

اۆتور:   رۋسلان عابباسوۆ