جاپونيانىڭ سولتۇستىگىندە 9 بالدىق جەر سىلكىنىسى بولسا، ادام شىعىنى 200 مىڭعا جەتۋى مۇمكىن

توكيو. Kyodo-قازاقپارات - جاپونيا ۇكىمەتى سەيسەنبى كۇنى ەلدىڭ سولتۇستىك- شىعىسى مەن سولتۇستىگىندەگى تىنىق مۇحيتى جاعالاۋىندا 9 بالدىق جەر سىلكىنىسى بولسا، ونىڭ سالدارى قانداي بولاتىنى تۋرالى بولجام جاريالاپ، حوككايدو مەن اوموريدى قوسقاندا، جەتى پرەفەكتۋرادا 199 مىڭ ادامعا ەسكەرتۋ جاسادى.

بۇل تۋرالى Kyodo اگەنتتىگى ءمالىم ەتتى، دەپ حابارلايدى قازاقپارات.

تابيعي اپاتتاردى باسقارۋ جونىندەگى ورتالىق كەڭەستىڭ بولجاۋىنشا، تۇرعىنداردىڭ باسىم بولىگى سۋناميدەن زارداپ شەگەدى، وسىنداي جەر سىلكىنىسى بولعان جاعدايدا، جاپون شۇڭعىماسىنىڭ بويىنداعى 220 مىڭ عيمارات قيراۋى مۇمكىن. ەلگە 31,3 تريلليون يەن (275,4 ميلليارد دوللار) شىعىن كەلەدى. تابيعي اپاتتارعا قارسى كۇرەس ءمينيسترى ساتوشي نينويۋ 21 -جەلتوقساندا وتكەن باسپا ءسوز ءماسليحاتىندا جاپونيانىڭ سولتۇستىگىندە ءىرى جەر سىلكىنىسى بولعان جاعدايدا، ونىڭ سالدارى قانداي بولاتىنى تۋرالى ايتتى. جاپونيانىڭ باتىسىنان ورتالىعىنا دەيىن سوزىلعان نانكاي شۇڭعىماسىنىڭ بويىنداعى جەر سىلكىنىسىنەن 323 مىڭ ادام، توكيونىڭ ىشىندەگى جەر سىلكىنىسىنەن 23 مىڭ ادام مەرت بولۋى مۇمكىن.

اۆتور: ءبيبىحان سەرىكوۆا