9-20-25 جانە 7-20-25 باعدارلامالارىنىڭ ءبىر- بىرىنەن ايىرماشىلىعى قانداي

«وتباسى بانك» ا ق باسقارما ءتوراعاسى ءلاززات يبراگيموۆا 2024 -جىلى ىسكە قوسىلاتىن «9-20-25» جاڭا يپوتەكالىق باعدارلاماسىنىڭ شارتتارىن ءتۇسىندىردى، دەپ حابارلايدى Kazinform.

«9-20-25» باعدارلاماسىندا ۇمىتكەردە سوڭعى 5 جىلدا باسپاناسى بولماۋى كەرەك دەگەن شارت جازىلادى»، - دەدى ءلاززات يبراگيموۆا ورتالىق كوممۋنيكاتسيالار قىزمەتىندە وتكەن بريفينگتە.

سونداي- اق، «وتباسى بانك» باسشىسىنا جاڭا يپوتەكالىق باعدارلامانى ىسكە قوسقاندا «7-20-25» باعدارلاماسىندا جىبەرىلگەن قاتەلىكتەر ەسكەرىلە مە دەگەن سۇراق قويىلدى.

«ءبىز بۇل ۇسىنىستى قولدايمىز. سەبەبى، قازاقستاندىق تۇرعىن ءۇي باعدارلاماسى ۇلەستىك قۇرىلىس نارىعىنىڭ ادال ءارى اشىق بولۋىنا زور ۇلەس قوسادى دەپ سانايمىز. ەگەر وبەكتىدە ق ت ۇ ك كەپىلدىگى بولسا، نىسان قۇرىلىسى تولىق اياقتالادى. ءبىز „9-20-25 باعدارلاماسىنا تەك دايىن تۇرعىن ءۇي عانا ەمەس، ق ت ۇ ك كەپىلدىگىمەن سالىنىپ جاتقان تۇرعىن ءۇي دە قاتىسۋى كەرەك دەگەن ۇسىنىستى قولدايمىز»، - دەدى ءلاززات يبراگيموۆا.

سپيكەر بانكتىڭ قۇرىلىس سالۋشىلارمەن ءجيى كەزدەسەتىنىن جانە قوسىمشا ماسەلەلەردى ءبىلىپ وتىراتىنىن ايتتى.

«مىسالى، „7-20-25 باعدارلاماسىنا قاتىسۋ سانى بويىنشا شەكتەۋلەر بولعان جوق. ياعني، كليەنت 2019 -جىلى پاتەر ساتىپ الىپ، باسپانا باعاسىنىڭ ءوسۋىن پايدالانىپ، ونى ساتا الدى جانە 2021 -جىلى قايتادان يپوتەكالىق باعدارلاماعا قاتىسا الدى. بۇل باعدارلامادا وعان تىيىم سالىنادى. ادام تەك ءبىر رەت قاتىسادى. بۇدان باسقا، „9-20-25 باعدارلاماسىندا ءوتىنىم بەرۋ كەزىندە 5 جىل بويى تۇرعىن ءۇي بولماۋى ءتيىس. بۇل باعدارلامادا، سونداي- اق جاس عالىمدار باعدارلاماسىندا قاتاڭ شارتتار بار. ءبىز مۇنى مەملەكەتتىك دەرەكتەر بازاسى ارقىلى تەكسەرەتىن بولامىز»، - دەپ تولىقتىردى «وتباسى بانك» باسشىسى.
ايتا كەتەيىك، وتباسى بانك جاس عالىمدارعا پاتەر بەرەتىن جاڭا باعدارلامانى ىسكە قوستى.

اۆتور
ايجان سەرىكجان قىزى