ساعات 9.00 دە استانادا دابىل جۇيەلەرى ىسكە قوسىلادى

استانا. قازاقپارات - بۇگىن، تاڭعى ساعات 09.00 دە استانا قالاسىندا دابىل جۇيەلەرى قوسىلادى، دەپ حابارلايدى قازاقپارات.

قالالىق توتەنشە جاعدايلار دەپارتامەنتىنەن ءمالىم ەتكەندەي، ەل بويىنشا 5-7-قىركۇيەك ارالىعىندا «قورعاۋ-2023» شتابتىق وقۋ- جاتتىعۋى ءوتىپ جاتىر.

ونىڭ شەڭبەرىندە 6-قىركۇيەك كۇنى استانا قالاسىنىڭ حالىقتى جاپپاي قۇلاقتاندىرۋ جۇيەلەرى تەكسەرىلەدى. ساعات 09.00 دە تەلە-راديو ارنالار قامتىلا وتىرىپ، ەلەكترودابىلدار قوسىلادى.

«ەسكە سالايىق، تەتەنشە جاعداي ورىن العان كەزدە حالىقتىڭ نازارىن اۋدارۋ ءۇشىن ەلەكترودابىلدار نەمەسە باسقا دا دابىل قۇرالدارى قوسىلادى، ول «بارشاڭىزدىڭ نازارىنا!» ءبىرىڭعاي قۇلاقتاندىرۋ دابىلىن بىلدىرەدى.

تۇرعىندار بۇل دابىلدى ەستىگەن كەزدە ورىن العان جاعدايدا ارەكەت ەتۋ تۋرالى نۇسقاۋلار مەن اقپارات الۋ ءۇشىن مىندەتتى تۇردە قولجەتىمدى اقپارات قابىلداۋ قۇرالدارىن (تەلەديدار، راديو جانە ت. ب. ) قوسۋى كەرەك.

قىمباتتى قالا تۇرعىندارى مەن قوناقتارى، توتەنشە جاعدايلار دەپارتامەنتى قالا تۇرعىندارىن سابىرلىق، ساقتاۋعا، ۇرەيگە بەرىلمەۋگە شاقىرادى»، - دەلىنگەن ت ج د مالىمەتىندە.