بۇگىن دوللار باعامى 8 تەڭگەگە دەيىن كوتەرىلدى

الماتى. قازاقپارات - استانا مەن الماتى قالالارىنداعى اقشا ايىرباستاۋ پۋنكتەرىندە دوللار 457 - 463 تەڭگە ارالىعىندا ساۋدالانىپ جاتىر، دەپ حابارلايدى قازاقپارات ءتىلشىسى.

Kurs.kz دەرەگى بويىنشا، استاناداعى ۆاليۋتا ايىرباستاۋ ورىندارىندا 1 دوللار 457- 462 تەڭگەدەن، رەسەي رۋبلى 4,75 - 4,9 تەڭگەدەن ساتىلۋدا.

ال الماتىدا دوللار باعامى 458,5 - 463,5 تەڭگە، كورشى ەل ۆاليۋتاسى 4,83 - 5,07 تەڭگە ارالىعىندا قۇبىلىپ تۇر.

KASE- دە 16-تامىزدا كەشكە وتكەن ساۋدا قورىتىندىسىنا سايكەس، دوللاردىڭ ورتاشا قۇنى 5,81 تەڭگەگە قىمباتتاپ، 455,29 تەڭگەنى قۇرادى.

ۇلتتىق بانكتىڭ 17-تامىزداعى رەسمي باعامى: 1 دوللار - 454,30 تەڭگە، رۋبل - 4,70 تەڭگە.

ايتا كەتەيىك، كەشە قور نارىعىندا دوللار باعاسى كۇرت كوتەرىلگەن بولاتىن.