ۇكىمەت ريددەردىڭ جىلۋ جۇيەسىنە 8 ميلليارد تەڭگەدەن استام قارجى ءبولدى

ق ر ۇكىمەتى ءتيىستى قاۋلى قابىلدادى، دەپ حابارلايدى قازاقپارات primeminister.kz-كە سىلتەمە جاساپ.
اتاپ ايتقاندا، قۇجاتقا سايكەس، 2023 -جىلعا ارنالعان رەسپۋبليكالىق بيۋدجەتتە كوزدەلگەن ق ر ۇكىمەتىنىڭ رەزەرۆىنەن كەزەك كۇتتىرمەيتىن شىعىندارعا شىعىس قازاقستان وبلىسىنىڭ ريددەر قالاسىنا جالپى سوماسى 8 ميلليارد 400 ميلليون تەڭگەگە جۋىق قاراجات ءبولىندى.
قاراجاتتىڭ باسىم بولىگى قازاندىقتار مەن جىلۋ جەلىلەرىن كۇردەلى جوندەۋگە باعىتتالادى. سونىمەن قاتار قاراجات وتىن بەرۋ گالەرەياسى مەن اسپيراتسيا جۇيەسىن كۇردەلى جوندەۋگە جۇمسالادى.
ەستەرىڭىزگە سالا كەتەيىك، 2023 -جىلدىڭ 23-ناۋرىزىندا ريددەر ج ە و-داعى №6-قازاندىق جانىنداعى وتىن بەرۋ گالەرەياسىندا كومىر توزاڭىنان جارىلىس بولعان ەدى. جارىلىس تولقىنى شامامەن 80 شارشى مەتردى قۇرايتىن قورشاۋ قۇرىلىمدارىن بۇزىپ، سالدارىنان وبلىس كولەمىندە توتەنشە جاعداي رەجيمى جاريالاندى.