تۇركىستان وبلىسىندا جەڭىل جۇرىسپەن اينالىسقان 8 شەتەلدىك قىز ەلدەن شىعارىلدى
تۇركىستان وبلىسىندا «حالىقتىڭ كوشى- قونى تۋرالى» زاڭ تالاپتارىن بۇزعان 711 شەتەلدىك پەن قازاقستان ازاماتتارى انىقتالىپ، اكىمشىلىك جاۋاپكەرشىلىككە تارتىلدى. ونىڭ ىشىندە ق ر ا ق ب ت ك- ءنىڭ 517-بابى «شەتەلدىكتىڭ نەمەسە ازاماتتىعى جوق ادامنىڭ قازاقستان رەسپۋبليكاسىنىڭ حالىقتىڭ كوشى- قونى سالاسىنداعى زاڭناماسىن بۇزۋى» بويىنشا 506 شەتەلدىككە شارا قاراستىرىلدى.
ماسەلەن، پوليتسيا قىزمەتكەرلەرى سايرام اۋدانىندا كوشى- قون زاڭىن بۇزعانى ءۇشىن 8 جەڭىل ءجۇرىستى قىزدى، ياعني وزبەكستان رەسپۋبليكاسىنىڭ ازاماتتارىن سوت شەشىمىمەن ەلدەن شىعاردى. ال كەلەس اۋدانىندا ۋاكىلەتتى ورگاننىڭ رۇقساتىنسىز قۇرىلىس جۇمىستارىمەن زاڭسىز اينالىسقان كورشى مەملەكەتتىڭ 15 ازاماتىن انىقتاپ، اكىمشىلىك تارتىپپەن رەسپۋبليكا اۋماعىنان شىعاردى.
«قازاقستان رەسپۋبليكاسى ىشكى ىستەر مينيسترلىگىنىڭ نۇسقاۋىنا سايكەس وسى جىلدىڭ 19-25 ماۋسىم ارالىعىندا تۇركىستان وبلىسىنىڭ اۋماعىندا «زاڭسىز كەلۋشى» رەسپۋبليكالىق جەدەل- پروفيلاكتيكالىق ءىس- شاراسى ءوتتى. باستى ماقسات - شەتەلدىكتەر جاساعان نەمەسە ولارعا قاتىستى قىلمىستاردىڭ الدىن الۋ جانە بولدىرماۋ. قر اۋماعىندا زاڭسىز جۇرگەن شەتەل ازاماتتارى مەن كوشى- قون زاڭناماسىن بۇزۋشىلاردى انىقتاۋ»، - دەلىنگەن تۇركىستان وبلىسى پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتتا.
