جىل باسىنان مەملەكەت بيۋدجەتىنە 8 تريلليون تەڭگە تۇسكەن
«مەملەكەت بيۋدجەتىنە 8 ميلليارد تەڭگەدەن اسا كىرىس ءتۇستى نەمەسە جوسپار % 103,0 ورىندالدى. ال رەسپۋبليكالىق بيۋدجەتكە 5,4 تريلليون تەڭگە ءتۇستى. جوسپار % 93,8 ورىندالدى. اتقارىلماعان بولىگى 355 ميلليارد تەڭگەنى قۇرادى»، - دەدى ە. جاماۋبايەۆ.
وعان قوسا، سالىقتار بويىنشا جوسپاردىڭ 400 ميلليارد تەڭگەگە ورىندالماۋىنا كورپوراتيۆتىك تابىس سالىعى، شيكى مۇنايعا ەكسپورتتىق كەدەن باجى جانە پايدالى قازبالاردى وندىرۋگە سالىناتىن سالىق اسەر ەتكەن.
«كورپوراتيۆتىك تابىس سالىعى بويىنشا جوسپاردىڭ ورىندالماۋى بيىلعى 5 ايدا 641 ءىرى سالىق تولەۋشى بويىنشا مالىمدەلگەن اۆانستىق تولەمدەر سوماسىنىڭ وتكەن جىلدىڭ ۇقساس كەزەڭىنەن % 34 نەمەسە 108 ميلليارد تەڭگەگە ازايۋىمەن بايلانىستى. شيكى مۇنايعا ەكسپورتتىق كەدەن باجى بويىنشا جوسپاردىڭ ورىندالماۋى ناقتى قالىپتاسقان مولشەرلەمەسىنىڭ بولجامدى كورسەتكىشتەن % 13 تومەندەۋىمەن بايلانىستى بولدى. پايدالى قازبالاردى وندىرۋگە سالىناتىن سالىق بويىنشا جوسپاردىڭ ورىندالماۋىنا نەگىزگى ەكسپورتتىق تاۋارلار باعاسىنىڭ ورتا ەسەپپەن %11 تومەندەۋى اسەر ەتتى»، - دەپ ءتۇسىندىردى قارجى ءمينيسترى.
ءمينيستردىڭ ايتۋىنشا، جەرگىلىكتى بيۋدجەتتەردىڭ كىرىستەرى % 128,9 اتقارىلدى جانە 2,6 ميلليارد تەڭگەنى قۇرادى. مۇنداعى جوسپار 590 ميلليارد تەڭگەگە، ونىڭ ىشىندە سالىقتار بويىنشا 548 ميلليارد تەڭگەگە اسىرا ورىندالدى. كىرىستەر بويىنشا جوسپارلار الماتى وبلىسىنان باسقا بارلىق وڭىرلەردە اسىرا ورىندالعان.
قارجى ءمينيسترى ەرۇلان جاماۋبايەۆ جىل باسىنان بيۋدجەتتىڭ 88 ميلليارد تەڭگەسى نەلىكتەن يگەرىلمەي قالعانىن ءتۇسىندىردى.
«مەملەكەتتىك بيۋدجەتتىڭ شىعىستارى % 98,5، رەسپۋبليكالىق بيۋدجەتتىڭ شىعىستارى - % 98,8، جەرگىلىكتى بيۋدجەتتەردىڭ شىعىستارى % 98,9 اتقارىلدى. رەسپۋبليكالىق بيۋدجەت بويىنشا سوماسى 9 تريلليون تەڭگەگە شىعىستار جۇرگىزىلدى» ، - دەدى ەرۇلان جاماۋبايەۆ بۇگىنگى ۇكىمەت وتىرىسىندا.
سونداي- اق 109 ميلليارد تەڭگەسى اتقارىلماعان، ونىڭ ىشىندە 21 ميلليارد تەڭگە - ۇنەمدەلسە، 88 ميلليارد تەڭگە يگەرىلمەي قالعان.
«يگەرىلمەۋدىڭ نەگىزگى سەبەپتەرى: كونكۋرستىق راسىمدەردىڭ ۇزاق جۇرگىزىلۋى؛ شارتتاردى، قوسىمشا كەلىسىمدەردى جاساۋ راسىمدەرىنىڭ ۇزاق جۇرگىزىلۋى، بيۋدجەتتىك باعدارلامالاردى (كىشى باعدارلامالاردى) ىسكە اسىرۋ جونىندەگى نورماتيۆتىك قۇقىقتىق اكتىلەردىڭ ۋاقتىلى قابىلدانباۋى؛ ورىندالعان جۇمىس اكتىلەرىنىڭ، شوت- فاكتۋرالاردىڭ ۋاقىتىلى ۇسىنىلماۋى؛ ەسەپتى ايدا قاراجاتتى جۇمساۋ قاجەتتىلىگىنىڭ بولماۋى»، - دەپ ءتۇسىندىردى قارجى ءمينيسترى.
ال جەرگىلىكتى بيۋدجەتتەردىڭ شىعىستارى 4,4 تريلليون تەڭگەنى قۇرادى. وندا 47 ميلليارد تەڭگە جۇمسالماعان.
«بيىل وڭىرلەرگە 2 تريلليون تەڭگەگە جۋىق نىسانالى ترانسفەرتتەر كوزدەلگەن. ولارعا 1 -ماۋسىمعا 641 ميلليارد تەڭگە بولىنگەن جانە % 97,8 يگەرىلگەن. يگەرىلمەي قالعان سوما - 14 ميلليارد تەڭگە. بۇل اسىرەسە استانا قالاسىندا، قاراعاندى، جامبىل جانە الماتى وبلىستارىندا بايقالدى»، - دەدى ەرۇلان جاماۋبايەۆ.
ايتا كەتەيىك، جىل باسىنان رەسپۋبليكالىق بيۋدجەت ءتۇسىمى ازايىپ، جەرگىلىكتى بيۋدجەت كىرىستەرى ارتقان.
