8 جىل بۇرىن جاسالعان قىلمىس اشىلدى - جامبىل وبلىسى
وسىدان سەگىز جىل بۇرىن 2013 -جىلدىڭ 6-قاراشا كۇنى ت. رىسقۇلوۆ ا پ ب- نا قۇلان اۋىلىنىڭ 56 جاستاعى تۇرعىنى ەكى بەلگىسىز تۇلعانىڭ اۆتوكولىكتە كەلە جاتىپ، وعان قاتىستى قاراقشىلىق ارەكەتتەرىن جاساپ، پىشاقپەن دەنە جاراقاتتارىن سالعانى تۋرالى ارىزدانعان بولاتىن.
«اتالعان دەرەك بويىنشا ق ك- تىڭ (1997 -جىلعى باسىلىم) 179-بابى 2-بولىگىمەن (قاراقشىلىق) قىلمىستىق ءىس قوزعالعان. اعىمداعى جىلدىڭ 24-تامىزىندا ت. رىسقۇلوۆ اۋداندىق پوليسيا ءبولىمىنىڭ قىزمەتكەرلەرىمەن جەدەل- ىزدەستىرۋ ءىس- شارالارىن جۇرگىزۋ بارىسىندا اتالعان قىلمىستى جاساعان جامبىل وبلىسى ت. رىسقۇلوۆ اۋدانىنىڭ 24 جانە 26 جاستاعى تۇرعىندارى انىقتالىپ، ۇستالدى. ولار ەكى اي مەرزىمگە قاماققا الىندى»، - دەلىنگەن پوليسيا دەپارتامەنتىنىڭ حابارلاماسىندا.
قازىرگى تاڭدا سوتقا دەيىنگى تەرگەپ- تەكسەرۋ ارەكەتتەرى جۇرگىزىلۋدە، كۇدىكتىلەر وزدەرى جاساعان قىلمىستارىن تولىق مويىنداعان.
ۆەدومستۆو قازاقستان رەسپۋبليكاسى ق پ ك- ءنىڭ 201-بابىنىڭ تالاپتارىنا سايكەس سوتقا دەيىنگى تەرگەپ- تەكسەرۋ دەرەكتەرى تەرگەۋ مۇددەسىنە وراي جاريالاۋعا جاتپايتىنىن ەسكەرتەدى.