تۋعان كۇن تويلاعان قوسشىنىڭ 8 تۇرعىنى كوروناۆيرۋس جۇقتىردى
«شىنىمەن دە، قوسشى ەلدى مەكەنىندە سوڭعى كۇندەرى 15 جاعداي انىقتالدى. بۇل 15 جاعداي 2 وشاقتا تىركەلگەن. ولاردىڭ بارلىعى دا تۋىستار، ولاردىڭ 8- ءى تۋعان كۇنگە بارعان جانە بارلىعى ناۋقاستانىپ قالدى. بۇل - كارانتين شارالارىن ساقتاماۋ جۇقتىرىپ الۋ تاۋەكەلىن كۇرت ارتتىراتىندىعىن جانە وتباسى ىشىندە بارىنە جۇعۋى مۇمكىن ەكەندىگىن بىلدىرەدى»، - دەدى بۇگىن ەلىمىزدىڭ باس سانيتارلىق دارىگەرى ورتالىق كوممۋنيكاتسيالار قىزمەتىندەگى بريفينگتە.
سونىمەن قاتار ول ۇيلەردىڭ جانە ولارعا كىرەبەرىستەردىڭ كارانتينگە جابىلۋىنا قاتىستى ساۋالعا جاۋاپ بەردى.
«باستاپقىدا ءبىزدىڭ بىردە- ءبىر نورماتيۆتىك- قۇقىقتىق اكتىمىزدە، ونىڭ ىشىندە باس سانيتارلىق دارىگەردىڭ قاۋلىلارىندا ۇيلەرگە كىرەبەرىستەردى جابۋ قاراستىرىلماعان ەدى. ارينە، جاقىن بايلانىستا بولعانداردىڭ، ىقتيمال بايلانىستا بولعانداردىڭ بارلىعى انىقتالادى. بۇعان قوسا، بۇل بايلانىستا بولعانداردىڭ بارلىعى ءۇي كارانتينىندە وتىرادى. ءبىراق، ءبىز كىرەبەرىستەردى جابۋ تۋرالى ەشقانداي شارا قابىلداعان ەمەسپىز»، - دەدى ايجان ەسماعامبەتوۆا.
اۆتور: مارلان جيەمباي
