ارىستىق 8 جاسار بالانىڭ ولىمىنە قاتىستى دارىگەرلەر تۇسىنىك بەردى

نۇر-سۇلتان. قازاقپارات - استانالىق دارىگەرلەر ارىستاعى جارىلىستان زارداپ شەگىپ، ەلوردادا ەم العان ايان شارىپبايەۆتىڭ قايتىس بولۋىنا قاتىستى پىكىر ءبىلدىردى، دەپ حابارلايدى قازاقپارات.

«بالا 28- ماۋسىم كۇنى شىمكەنت قالاسىنان ەلورداعا جەتكىزىلدى. ول اۋىر جاعدايدا، ءتۇرلى دەنە جاراقاتىمەن كەلىپ ءتۇستى. بالانى امان الىپ قالۋ ءۇشىن بار جاعداي جاسالىپ، ماماندار جۇمىلدىرىلدى. وتاندىق دارىگەرلەردەن بولەك، ارنايى ماسكەۋدەن نەيروحيرۋرگ مامان شاقىرىلدى. وسى ۋاقىتقا دەيىن ءتيىستى ەم-شارامەن قاتار، 25- شىلدە كۇنى ونىڭ باسىنا وتا جاسالدى»، - دەيدى قوعامدىق دەنساۋلىق ساقتاۋ باسقارماسى انا مەن بالانى قورعاۋ ءبولىمىنىڭ باسشىسى ايگەرىم لەبايەۆا.

ونىڭ ايتۋىنشا، بالا بۇگىن تاڭەرتەڭ ساعات 09:00 دە كوز جۇمعان.

بۇعان دەيىن حابارلاعانىمىزداي، ارىستاعى جارىلىستا جارالانعان 8 جاسار ايان شارىپبايەۆتىڭ قايتىس بولعانى تۋرالى اقپاراتتى قالالىق دەنساۋلىق ساقتاۋ باسقارماسى راستاعان بولاتىن.