14:38, 02 - تامىز 2019 | GMT +5
ارىستاعى جارىلىستان جاراقات العان 8 جاسار بالا كوز جۇمدى
نۇر- سۇلتان. قازاقپارات - نۇر- سۇلتان قالاسىنىڭ دەنساۋلىق ساقتاۋ باسقارماسى ارىستاعى جارىلىس كەزىندە كولىك استىنا ءتۇسىپ، ەلورداداعى №2 اۋرۋحاناعا جەتكىزىلگەن ايان شارىپبايەۆتىڭ قايتىس بولعانىن راستادى، دەپ حابارلايدى قازاقپارات ءتىلشىسى.
«ايان شارىپبايەۆتىڭ قايتىس بولعانىن راستايمىز. ازىرگە ودان باسقا ەشقانداي مالىمەت بەرە المايمىز»، - دەلىنگەن باسقارمانىڭ باسپا ءسوز قىزمەتى تاراتقان مالىمەتتە.
ەسكە سالساق، ق ر دەنساۋلىق ساقتاۋ ءمينيسترى ەلجان ءبىرتانوۆ ارىس اپاتى كەزىندە كولىك استىنا ءتۇسىپ، اۋىر جاراقات العان 7 جاسار ايان شارىپبايەۆتىڭ جاعدايى وزگەرىسسىز ەكەنىن، ءتىپتى شەتەلدىك نەيروحيرۋرگتارعا كورسەتكەنىن ايتقان بولاتىن.
اۆتور: ەسىمجان ناقتىباي