نۇر- سۇلتاندا 8 مىڭنان استام بالا شەرۋگە قاتىستى
بالالاردى قازاقستان رەسپۋبليكاسى پارلامەنتى سەناتىنىڭ ءتوراعاسى داريعا نازاربايەۆا، قازاقستان رەسپۋبليكاسىنىڭ ءبىلىم جانە عىلىم ءمينيسترى كۇلاش شامشيدينوۆا جانە نۇر- سۇلتان قالاسىنىڭ اكىمى باقىت سۇلتانوۆ قۇتتىقتادى.
«نۇر- سۇلتان - جاستار قالاسى. مەكتەپ وقۋشىلارى، ستۋدەنتتەر، جاس جۇمىسشىلار، ماماندار، عالىمدار - ءبىزدىڭ قالامىزدىڭ باستى تۇرعىندارى، ونىڭ ۇزدىك وكىلدەرى. مەن ەلىمىزدىڭ جاس ۇرپاعىنا سەنەمىن. سىزدەردىڭ كۇشتەرىڭىز ويلاۋ قابىلەتتەرىڭىزدە، سالاۋاتتى امبيتسيادا، بۇرىن ەشكىم جاساماعان نارسەنى جاساۋعا دايىن بولۋلارىڭىزدا. ءسىز جاسسىزدار، باتىلسىزدار. قولدارىڭىزدان بارلىعى كەلەدى. مەن سەندەردىڭ ءارقايسىلارىڭنىڭ جەتىستىكتەرىڭە سەنەمىن. سىزدەردەي تالانتتى، ادەمى، كۇشتى جانە باتىل جاندارعا ىسكەرلىك پەن ساتتىلىك تىلەيمىن. مەرەكەلەرىڭىزبەن! » ، - دەپ قۇتتىقتادى داريعا نازاربايەۆا.
شەرۋدىڭ بىرەگەي ەرەكشەلىگى - اۋدان اكىمدەرى، ءبىلىم بەرۋ ۇيىمدارىنىڭ باسشىلارى، «اكەلەر كەڭەسى» اتا- انا قوعامىنىڭ وكىلدەرى العاش رەت بالالار شەرۋىنە قاتىستى. شەرۋگە ارنايى ءبىلىم بەرۋ قاجەتتىلىكتەرى بار بالالار دا بولدى. جىل سايىن حالىقارالىق بالالاردى قورعاۋ كۇنىنە ورايلاستىرىلعان بۇل جوبا تانىمال بولىپ كەلەدى، سەبەبى بالالار وسى كۇنى بارلىق جاستاردى بىرىكتىرىپ، بەيبىتشىلىك، دوستىق، ءوزارا قۇرمەت ەلشىلەرى رەتىندە كەلىپ، ال مۋزىكانىڭ كۇشى ولاردى بىرىكتىرۋشى كۇش بولىپ تابىلادى.
ۇيىمداستىرۋشىلاردىڭ ايتۋىنشا، بالالار مەن جاسوسپىرىمدەردىڭ مۋزىكالىق وركەسترلەرى مەن ءانسامبلىنىڭ ءۇشىنشى شەرۋى جارقىن مۋزىكالىق مەرەكە بولدى. سەگىز مىڭ بالا بىرىگىپ نۇر- سۇلتان قالاسى تۋرالى جاڭا ءاندى ۇسىندى. مەكتەپ وقۋشىلارى مەن كوللەدج ستۋدەنتتەرى وزدەرىنىڭ اتا- انالارى، وقىتۋشىلارى مەن استانا قوناقتارى الدىندا ءوتتى.
الماتى اۋدانى بالالارىنىڭ شەرۋى كەزىندە ەسترادالىق مۋزىكانىڭ مەرەكەلىك ءريتمى شىرقالدى. بايقوڭىر اۋدانى «مودەرن» ستيلىندە ونەر كورسەتتى. سارىارقا اۋدانى حالىق مۋزىكاسىن سالىپ، كورەرمەندەردى ەجەلگى زامانعا قايتاردى. ەسىل اۋدانى كلاسسيكالىق مۋزىكانى ورىندادى، سونداي- اق تانىمال فيلمدەر مەن مۋلتفيلمدەردەن اۋەندەردى شىرقاپ بەردى.