ەڭبەك ءمينيسترى 8 ساعاتتىق جۇمىس ءتارتىبىن ساقتاۋعا شاقىردى
«بىزدە «مەملەكەتتىك قىزمەت تۋرالى» زاڭعا سايكەس، ءار ادام كۇنىنە 8 ساعات جۇمىس ىستەۋى كەرەك. مەن مەملەكەتتىك قىزمەتشىلەر وسىعان كەلگەندە وزىنەن باستاۋى ءتيىس دەپ ەسەپتەيمىن. ەگەر ەڭبەك كودەكسىندە سەگىز ساعاتتىق جۇمىس تۋرالى جازىلىپ تۇرسا، ونى ساقتاپ، جۇمىس، وتباسى مەن وزگە دە شارۋالارعا قاتىستى دۇرىس بالانستى تاپقان ابزال» ، - دەيدى ءمادينا ءابىلقاسىموۆا.
ايتا كەتسەك، بۇعان دەيىن ق ر ءبىلىم جانە عىلىم ءمينيسترى ەرلان ساعاديەۆ مەملەكەتتىك قىزمەتشىلەردى ۋاقتىلى ۇيىنە قايتارۋدى سۇراعان بولاتىن.
«اتا- انالار جۇمىسىنان ۋاقتىلى شىعا الماۋى سەبەپتى، بالالارىن تاربيەلەۋگە قاجەتتى ۋاقىتتى تابا الماي جاتادى. ولاردىڭ اراسىندا مەملەكەتتىك قىزمەتشىلەر دە بار. قازىرگى ۋاقىتتا مەكتەپتەردەگى اتا- انالار جينالىسىنا جالپى سىنىپتان 10-15 اتا- انا عانا قاتىسادى» ، - دەگەن بولاتىن ەرلان ساعاديەۆ.
اۆتور: ايان بەكەن ۇلى
