قانات يسلامنىڭ بوكس كەشىنە 8 مىڭنان اسا بيلەت ساتىلدى
«ءبىز باسەكە وتەتىن جەردى تىڭعىلىقتى ىزدەستىردىك. اقىرى «سارى ارقا» رەسپۋبليكالىق ۆەلوترەگىنە توقتالدىق. بۇل - سپورتتىق كەشەندەر اراسىنداعى الەمدەگى ەڭ ۇزدىكتەردىڭ ءبىرى بولىپ سانالاتىن تەڭدەسسىز نىسان. استانالىق «سارىارقا» ۆەلوترەگى 9195 كورەرمەندى سىيدىرا الادى. سونداي-اق، رينگتىڭ ماڭىندا 1500 VIP ورىندار ورنالاستىرىلادى. قازىرگى كەزدە بارلىعى 8000-نان اسا بيلەت ساتىلدى»، - دەيدى Qazaq Promotions كومپانياسىنىڭ ديرەكتورى قايرات جايلاۋبايەۆ.
سونداي- اق، ول رەسمي تۇردە شاقىرىلعان قوناقتار اراسىندا تەك كورنەكتى مەملەكەت، سپورت جانە قوعام قايراتكەرلەرى عانا ەمەس، بجسم مەن سپورت-ينتەرناتتىڭ وكىلدەرى دە بار ەكەندىگىن ايتتى.
«الداعى بوكس كەشى استانامىزدىڭ تۇرعىندارى مەن قوناقتارى ءۇشىن ۇلكەن مەرەكە بولماق. بەلگىلى كاسىپكەر جانە مەسەنات باۋىرجان وسپانوۆ جەكە ءوزى جاس جەتكىنشەكتەر وسى كەشتەن كەرەمەت اسەر الىپ، شاتتىققا بولەنسىن دەگەن نيەتپەن ب ج س م وكىلدەرىن قاجەتتى بيلەتتەرمەن قامتىماسىز ەتۋ جونىندە تاپسىرما بەردى»، - دەيدى Qazaq Promotions كومپانياسىنىڭ ديرەكتورى.