20:39, 04 - ءساۋىر 2017 | GMT +5
رەسەيدە پوليتسيا قىزمەتكەرلەرىن ءولتىردى دەگەن كۇدىكپەن 8 ادام ىزدەستىرىلۋدە
استانا. قازاقپارات - رەسەيدە پوليتسيا قىزمەتكەرلەرىن ءولتىردى دەگەن كۇدىكپەن 8 ادام ىزدەستىرىلۋدە. بۇل تۋرالى ق ر ۇلتتىق قاۋىپسىزدىك قىزمەتىنىڭ وكىلدەرى تاراتقان مالىمەتتەردەن بەلگىلى بولدى،
دەپ حابارلايدى قازاقپارات.
«بۇقارالىق اقپارات قۇرالدارىندا 4 - ساۋىردە استراحاندا رەسەي پوليتسياسىنىڭ ەكى قىزمەتكەرى ولتىرىلگەندىگى حابارلاندى. اتالعان قىلمىسقا قاتىستى دەگەن كۇدىكپەن رەسەيدىڭ سەگىز ازاماتىنا ىزدەۋ سالىندى، بولجام بويىنشا ولاردىڭ ەكەۋى قازاقستاننىڭ تۋماسى. ولاردىڭ تۋعان جەرى تۋرالى اقپارات تەكسەرىلۋدە»، - دەلىنگەن ۇ ق ك تاراتقان اقپاراتتاردا.
كۇدىكتىلەر قازاقستان رەسپۋبليكاسى ۇلتتىق قاۋىپسىزدىك جانە ىشكى ىستەر ورگاندارىنىڭ جەدەل ەسەپتەرىنەن وتپەيدى. ۇ ق ك جانە ءى ءى م قىلمىسقا قاتىستى ادامداردى ىزدەۋ ماقساتىندا رەسەيلىك سەرىكتەستەرمەن قارىم- قاتىناس ورناتتى، شەكارادان وتكىزۋ پۋنكتتەرىندە باقىلاۋ كۇشەيتىلدى. اتالعان فاكتى بويىنشا وزگە قاجەتتى شارالار قولدانىلۋدا.
