ءبىر باسىندا 8 كولىگى بار قازاقستاندىق جۇلدىز كىم؟ - فوتو
كەي ءانشى ءتىپتى سىرت كوز ءۇشىن عانا جانارمايى قىمبات كولىك تىزگىندەپ جۇرگەنىن ايتادى.
بۇل تۋرالى 31- ارنانىڭ «جۇلدىزدار جارقىرايدى» باعدارلاماسىندا ايتىلدى دەپ جازادى Stan.kz.
شاھيزادا: Land Cruiser ايەل ادامدار ءۇشىن وتە ىڭعايلى كولىك. جەتى جىل بۇرىن تۋعان كۇنىمە جولداسىم سىيلاعان بولاتىن. ونىڭ الدىندا دا تۋرا وسىنداي كولىگىم بولدى. ءوز باسىم اق كولىك مىنگەندى ۇناتامىن. ەڭ ءبىرىنشى جيگۋلي، كەيىن Kia، دجيپ، Toyota Carina E, Suzuki, Alteimaسىندى كولىكتەر ءمىندىم.
تۇڭعىشباي جامانقۇلوۆ: مەنىكى اشەيىن Land Cruiser كولىگى عوي. ءار ون جىل سايىن وسىمەن ءۇش كولىك اۋىستىردىم. ەلۋىمدە ءبىر، الپىسىمدا ءبىر سىيلادى. ەندى جەتپىسىمدە سىيلاپ قالار دەگەن ءۇمىتىم بار. ادەتتە ەل-جۇرت، اعايىن-تۋىس، اكىمشىلىك قىزمەتكەرلەرى سىيلاپ جاتادى. دجيپتان وزگەسىنە ەكى بۇكتەلىپ سىيمايمىن.
بۇگىندە ايقىن تولەپبەرگەن Land Cruiser كولىگىن تىزگىندەگەن.
ال باعدات سامەدينوۆا، ءمادينا ءسادۋاقاسوۆا، نۇرجان كەرمەنبايەۆ جانە ەركىن ماۋلەن سىندى انشىلەر Lexus مىنەدى ەكەن.
نۇرلان ابدۋللين مەن مۇقاسان شاحزودايەۆ Range Rover كولىگىن ءمىنىپ ءجۇر.
مۇقاسان شاحزودايەۆ: Range Rover كولىگىن شەتەلدە «پاتشالار مىنەتىن كولىك» دەپ باعالايدى. ياعني بۇل كولىكتى كوبىنەسە پاتشانىڭ وتباسى مىنەدى. مۇنى مىنگەنىمە بيىل ءۇش جىل تولدى. ءبىراق ءتفاي-ءتفاي جاپ-جاڭا. تەحنيكالىق جاعىنان دا قاتتى ءمان بەرەمىن، ەش اقاۋ جوق. اتاعىنان ات ۇركيتىن كولىك دەپ تە قالجىڭداپ جاتادى عوي. ەڭ تاڭداۋلى برەند دەسەك تە بولادى.
بەيبىت سەيدۋاليەۆانىڭ بۇگىندە جولداسى تارتۋ ەتكەن قىزىل كولىگى بار. ال سەنىمدى اقپارات كوزدەرى توقتار سەرىكوۆتىڭ ءبىر باسىندا 8 تەمىر تۇلپارى بار ەكەنىن راستاعان.
قانات ۇمبەتوۆ: 2007-جىلعى Infiniti FX 335 مىنگەنىمە 7-8 اي بولدى. شامامەن وسى كۇنگە دەيىن 11-12 كولىك اۋىستىردىم. ونەر جۇلدىزدارىنىڭ اراسىندا كوپتەگەن اعامىز جاقسى كولىكتەر مىنەدى عوي. مىسالى، مەيرامبەك، ساكەن، توقتار اعالارامىزدىڭ كولىگىنە قاشان مىنسەڭىزدەر دە، ءبىر ءمىن تاپپايسىز.
ماقپال ءجۇنىسوۆا: مەن جانارمايى قىمبات Mercedes-Benz C- كلاسس دەگەن كولىك ءمىنىپ ءجۇرمىن. بۇل كولىكپەن جۇرسەڭىز، ەكى-ءۇش كۇننىڭ بىرىندە 10 مىڭ تەڭگەگە جانارماي قۇيۋىڭىز كەرەك. مەرەيگە جانارمايدى از جەيتىن كولىك الىپ بەرىپ قويدىم. ءوزىم سورلى بولمايىن دەپ وسى كولىكتى ءمىنىپ ءجۇرمىن. مۇنى كوكەلەرىمىز قوسىلىپ الىپ بەرگەن.
جۇرگىزۋشىم قازاق كونسەرتتە 8 جىلدان استام ۋاقىت جۇمىس جاساعان. ءبىر كەزدەرى روزا باعلانوۆا اپامىزدى تاسىعان. بۇكىل قازاقستاننىڭ جولىن جاقسى بىلەدى. مەنىڭ جۇرگىزۋشىگە قويار وزىندىك تالاپتارىم بار. بىرىنشىدەن، جۇمىس كەزىندە اراق ىشپەۋى كەرەك. ارينە، اراقتى ءبارى ىشەدى، دەسە دە، جۇمىس ۋاقىتىندا اۋزىنان الكوگولدىڭ ءيىسى شىقپاۋى كەرەك. جول ەرەجەسىن بۇزباي، تازا كيىم كيۋىنىڭ دە ماڭىزى زور. ال ۇستىنە كيىم-كەشەك الۋعا ءوزىم كومەكتەسىپ وتىرامىن.
ون جىلدىق مەرەيتويلارىندا مەيرامبەك بەسپايەۆ BMW، ال ساكەن مايعازيەۆ مەن كەنجەبەك ءجانابىلوۆ Lexus ماركالى كولىك مىنگەن بولاتىن. اراعا بەس جىل سالىپ، كەنجەبەك اتالعان كولىگىن اپپاق دجيپكە ايىرباستاعان.