اقتوبەدە ەر ادام 8 -ناۋرىز قارساڭىندا ءوزىنىڭ «ايەل» ەكەنىن بىلگەن - فوتو

اقتوبە. قازاقپارات - اقتوبە قالاسىنىڭ تۇرعىنى يۋريي پۋپىكين ەرەكشە جاعدايعا تاپ بولدى. وتكەن جىلدىڭ قاراشاسىنان ونىڭ كاسىپورنىنىڭ «1س- بۋحالتەريا» باعدارلاماسى ودان سالىق تولەمدەردى الۋدى دوعارعان. ونىڭ سەبەبى جۋىردا عانا انىقتالدى.

يۋري پۋپىكيننىڭ جەكە كۋالىگىندە قاتە كەتكەن: «ۇلتى» جولىندا «رۋسسكيي» دەگەننىڭ ورنىنا «رۋسسكايا» دەپ جازىلىپ كەتكەن. ءسويتىپ باعدارلاما اۆتوماتتى تۇردە قۇجات يەسىن ايەلدەردىڭ قاتارىنا قوسىپ جىبەردى.

2015 -جىلدىڭ قازانىندا يۋري ميحايلوۆيچ 58 جاسقا تولدى. بۇل ايەلدەر ءۇشىن زەينەتكە شىعاتىن جاس بولعاندىقتان، اقىلدى باعدارلاما ودان سالىق الۋدى توقتاتقان.

جاعدايدىڭ ءمان- جايى 8 -ناۋرىز قارساڭىندا انىقتالعاندىقتان، بۇل وقيعا ارىپتەستەرىنىڭ ازىلىنە تۇرتكى بولدى.

«مۇنداي قاتەلىك جايلى بىلمەدىم. ەندى ح ق ك و قىزمەتكەرلەرى ءوز قاراجاتىنا جاڭا قۇجات جاساسىن. ويتكەنى بۇل ولاردىڭ كىناسى عوي»، - دەدى يۋري ميحايلوۆيچ.