بۇگىن 8- ناۋرىز - حالىقارالىق ايەلدەر كۇنى مەرەكەسى
1910-جىلى كوپەنگاگەندەگى ايەل سوتسياليستەردىڭ حالىقارالىق كونفەرەنتسياسىندا گەرمان جانە حالىقارالىق جۇمىسشى قوزعالىسىنىڭ قايراتكەرى ك. تسەتكيننىڭ ۇسىنىسى بويىنشا ناۋرىزدىڭ 8 ءىن حالىقارالىق ايەلدەر كۇنى رەتىندە اتاپ ءوتۋ تۋرالى شەشىم قابىلداندى.
1914-جىلدان كەيىن كوپ ەلدەردە ناق وسى كۇن ايەلدەر مەرەكەسى رەتىندە اتالاتىن بولدى.
بۇل كۇن - ايەلدەر قۇقىن قورعاۋ جانە حالىقارالىق بەيبىتشىلىك كۇنى. بىرىككەن ۇلتتار ۇيىمى 1975-جىلدى حالىقارالىق ايەلدەر جىلى دەپ جاريالاپ، سول جىلعى ناۋرىزدىڭ 8 ىنەن باستاپ ايەلدەر قۇقىن قورعاۋ جانە حالىقارالىق بەيبىتشىلىك كۇنىن وتكىزە باستادى.
قازاقستان رەسپۋبليكاسىندا دا بۇل مەرەكەگە اسا ءمان بەرىلىپ، وسى كۇنى ەلوردا مەن بارلىق وبلىستاردا مەرەكەلىك شارالار ۇيىمداستىرىلادى. ەلباسى نۇرسۇلتان نازاربايەۆ قازاقستاننىڭ ايەلدەر قاۋىمى وكىلدەرىمەن «كوكتەم شۋاعى» اتتى كەزدەسۋىندە ەلىمىزدەگى بارشا ايەلدەردى 8- ناۋرىز - حالىقارالىق ايەلدەر كۇنىمەن قۇتتىقتادى.
«ايەلدەر تاۋەلسىزدىك جىلدارىنىڭ بارىندە مەنىڭ ەڭ سەنىمدى تىرەگىم بولدى. 25 جىلداعى بارلىق جەتىستىكتەرىمىز سىزدەردىڭ بەلسەنە اتسالىسۋلارىڭىزدىڭ ارقاسىندا عانا مۇمكىن بولدى. سىزدەر ءبىزدىڭ قوعامداعى بىرلىكتىڭ، جاسامپازدىق پەن تۇراقتىلىقتىڭ بەينەسىنە اينالدىڭىزدار»، - دەدى مەملەكەت باسشىسى.
«8- ناۋرىز - حالىقارالىق ايەلدەر كۇنى» مەركەسىنە وراي قازاقستاندىقتار 3 كۇن دەمالىپ جاتىر.
