قالا باستىعى ءۇش ايلىق قىزدى 8- ناۋرىز مەرەكەسىمەن قۇتتىقتادى

استانا. قازاقپارات - وش قالاسىنىڭ ءمەرى ايتمامات قادىربايەۆ 8- ناۋرىز - حالىقارالىق ايەلدەر مەرەكەسىمەن قىرعىزستاننىڭ 6 ميلليونىنشى ازاماتى ءۇش ايلىق قىز ايلين قوجوشيەۆانى قۇتتىقتادى. بۇل تۋرالى kyrtag.kg حابارلادى.

قالا باسشىلىعىنىڭ باسپا ءسوز قىزمەتىنىڭ حابارلاۋىنشا، ايتمامات قادىربايەۆ سابيگە ويىنشىق جانە ءتۇرلى تاتتىلەر سىيلاپ، ونىڭ اناسى راحات بەلەكوۆادان ايليننىڭ قالاي ءوسىپ جاتقاندىعىن سۇراعان.

«بۇل ونىڭ العاشقى كوكتەمى، ءبىز ءسابيدىڭ ءبىرىنشى 8- ناۋرىز مەرەكەسىمەن قۇتتىقتاۋ مۇمكىنشىلىگى تۋعانىنا قۋانامىز. قىزدىڭ وزىنە جانە وتباسىلارىڭىزعا شىن جۇرەكتەن باقىت تىلەيمىن»، دەدى وش قالاسىنىڭ باسشىسى.

قىزدىڭ اناسى قالا باسشىسىنا العىس ايتتى.

«ايلين بۇگىن 3-اي 9 كۇنگە تولدى. ول جاقسى ءوسىپ كەلەدى»، - دەدى ر. بەلەكوۆا.

ەسكە سالا كەتسەك، قىرعىزستاننىڭ 6 ميلليونىنشى ازاماتى ايلين اسكەري قىزمەتكەر الماز قوجوشوۆ پەن راحات بەلەكوۆانىڭ وتباسىندا وتكەن جىلى 25- قاراشادا دۇنيەگە كەلگەن.