05:30, 01 - قىركۇيەك 2015 | GMT +5
پوليسەي 8- قاباتتان قۇلاعالى تۇرعان بالانىڭ اياعىنان ۇستاپ ۇلگەردى
استانا. قازاقپارات - ماسكەۋدە وچاكوۆ تاس جولىنداعى ۇيلەردىڭ ءبىرىنىڭ تۇرعىندارى سەگىزىنشى قاباتتان ويىنشىقتار قۇلاپ جاتقانىن بايقاعان.

مۇنى نازارسىز قالدىرماعان ادامدار پوليسياعا حابارلادى. قىزمەتكەرلەر اتالعان مەكەنجايعا شۇعىل جەتتى. ولار جوعارى كوتەرىلىپ ۇيگە كىرمەك بولعان. الايدا ەسىكتى ەشكىم اشپاعان سوڭ ونى بۇزۋعا ءماجبۇر بولدى.
بولمەلەردىڭ بىرىنە كىرگەن پوليسەيلەر تەرەزەدەن قۇلايىن دەپ بارا جاتقان ەكى جاسار بالانى اياعىنان ۇستاپ ۇلگەردى. ونىڭ اناسى ۇيدە ەكەن. الايدا ول ەسىكتى اشاتىنداي جاعدايدا بولماعان.
ايەلدىڭ تاجىكستان ازاماتشاسى ەكەنى اتالىپ ءوتىلدى. قازىر ونى اتا- انا قۇقىعىنان ايىرۋ ماسەلەسى قاراستىرىلىپ جاتىر.