قازاقستاننىڭ 8 وڭىرىندە ونەركاسىپتىك ونىمدەر ءوندىرىسىنىڭ كولەمى ارتىپ وتىر
«اعىمداعى جىلدىڭ التى ايىندا ەلىمىزدە ونەركاسىپتىك ونىمدەرىنىڭ ناقتى كولەم يندەكسى 100,6 پايىزدى قۇرادى. 2015 - جىلعى قاڭتار- ماۋسىمدا 2014 - جىلعى ۇقساس كەزەڭمەن سالىستىرعاندا شيكى مۇناي، تابيعي گاز جانە ءتۇستى مەتالل كەندەرىنىڭ ءوندىرىسى ءوستى.
رەزەڭكە جانە پلاستماسسا بۇيىمدارى، جەڭىل ونەركاسىپ ونىمدەرى، مەتاللۋرگيا جانە حيميا ونەركاسىبى ونىمدەرىنىڭ ءوندىرىسى جوعارىلادى. ونەركاسىپتىك ونىمدەرىنىڭ ءوندىرىس كولەمىنىڭ ءوسۋى رەسپۋبليكانىڭ 8 وڭىرىندە بايقالدى»، دەلىنگەن باسپا ءسوز بايانىندا.
بۇدان بولەك ەسەپتى كەزەڭدە كومىر جانە بىرىكتىرىلگەن تەمىر كەندەرىنىڭ ءوندىرىسى تومەندەدى. تاماق ونىمدەرىنىڭ، سۋسىنداردىڭ، تەمەكى، قاعاز، مۇناي وڭدەۋ جانە ماشينا جاساۋ ونىمدەرىنىڭ ءوندىرىسى قىسقارعان. نەگىزىنەن تومەندەۋ باتىس قازاقستان، جامبىل، قوستاناي، قىزىلوردا، ماڭعىستاۋ، پاۆلودار، سولتۇستىك قازاقستان جانە شىعىس قازاقستان وبلىستارىندا تىركەلگەن.
