قازاقستان مەن قىرعىزستان 8- مامىردا شەكاراداعى كەدەندىك باقىلاۋدى الىپ تاستايدى
«26- جەلتوقساندا قىرعىز رەسپۋبليكاسىنىڭ پرەمەر-ءمينيسترى جومارت وتاربايەۆ قىرعىز رەسپۋبليكاسىنىڭ ەۋرازيالىق ەكونوميكالىق وداققا قوسىلۋى تۋرالى شارتتىڭ راسىمدەرىن ىسكە اسىرۋ جونىندەگى ءىس-قيمىل جوسپارىن دايىنداۋ بويىنشا مينيسترلىكتەر مەن ۆەدومستۆولار باسشىلارىمەن جيىن وتكىزدى»، - دەپ حابارلادى ۆەدومستۆو.
ءماجىلىس بارىسىندا قىرعىز رەسپۋبليكاسىنىڭ ە ا ە و- عا قوسىلۋ تۋرالى شارت 2015-جىلعى 1- مامىردان باستاپ كۇشىنە ەنەتىنى اتاپ ءوتىلدى جانە ول قىرعىز رەسپۋبليكاسىنىڭ نەگىزگى مىندەتتەمەلەرىن كوزدەيدى. قىرعىزستان 2015-جىلعى ناۋرىزعا دەيىن شارتتى بەكىتۋ بويىنشا مەملەكەتىشىلىك راسىمدەردى جۇرگىزۋى ءتيىس.
بۇدان باسقا، كەلەسى جىلدىڭ 8- مامىرىندا قىرعىز-قازاق شەكاراسىنداعى كەدەندىك باقىلاۋ الىنىپ تاستالادى. سوعان دەيىن قىرعىزستان «ماناس» جانە وش اۋەجايلارىندا، تورۋگارت پەن يركەشتامدا وتكىزۋ پۋنكتتەرىن سالۋى ءتيىس. سونداي-اق سانيتارلىق، فيتوسانيتارلىق، ۆەتەرينارلىق باقىلاۋ سالاسىنداعى قاجەتتى شارالار مەن ءتيىستى كارانتيندىك ءىس-شارالاردى جۇرگىزۋى قاجەت.
سونداي-اق جيىنعا قاتىسۋشىلار قىزعىز رەسپۋبليكاسى مەملەكەتتىك ورگاندارىنىڭ كەدەن وداعىنا، ءبىرىڭعاي ەكونوميكالىق كەڭىستىك، ەۋرازيالىق ەكونوميكالىق وداققا مۇشە مەملەكەتتەرمەن كەدەندىك باقىلاۋداعى تاۋارلارعا قاتىستى اقپاراتتىق الماسۋ بويىنشا شارالاردى تالقىلادى.
جيىن قورىتىندىسى بويىنشا، پرەمەر-مينيستر قىرعىز رەسپۋبليكاسى مينيسترلىكتەرى مەن ۆەدومستۆولارىنا قىرعىزستاننىڭ ە ا ە و-عا قوسىلۋى بويىنشا ءبىرىنشى كەزەكتەگى شارالارىن ىسكە اسىرۋدىڭ كۇنتىزبەلىك جوسپارىن جەدەل تۇردە پىسىقتاپ، ناقتىلاۋدى تاپسىردى.
