استانادا ەلەكتر قۋاتىن ۇنەمدەۋدىڭ كەشەندى جوسپارى 89 پايىزعا ورىندالدى

بۇل تۋرالى نۇر-سۇلتان قالاسىنىڭ وتىن-ەنەرگەتيكا كەشەنى جانە كوممۋنالدىق شارۋاشىلىق باسقارماسىنىڭ باسشىسى تولەگەن ق ۇلىشيەۆ ءمالىم ەتتى، دەپ حابارلايدى قازاقپارات ءتىلشىسى.
«قالالىق كەشەندى جوسپار اياسىندا ەنەرگيانى ۇنەمدەۋ جانە ونىڭ تيىمدىلىگىن ارتتىرۋعا ارنالعان 189 ءىس-شارا بار. ونىڭ ىشىندە ەنەرگەتيكا جانە كوممۋنالدىق شارۋاشىلىق سالاسىندا ەنەرگيانى ۇنەمدەۋگە ارنالعان 63 شارا، تۇرعىن ءۇي سەكتورى سالاسىندا - 15 ءىس-شارا، كولىك - 3، بيۋجەت - 66 جانە وزگە دە سەكتورلار بويىنشا 24 ءىس-شارا قاراستىرىلعان. سونىمەن قوسا ەنەرگيانى ۇنەمدەۋدى ناسيحاتتاۋعا ارنالعان 7 جانە ونىڭ تيىمدىلىگىن ارتتىرۋ كارتاسى شەڭبەرىندە 3 شارا بەلگىلەندى. ودان بولەك، دۇنيەجۇزىلىك بانكتىڭ «نۇر-سۇلتان قالاسىنىڭ ەنەرگيا تيىمدىلىگىن ارتتىرۋعا» (ESMAP) ارنالعان جوباسى شەڭبەرىندە تەحنيكالىق كومەك كورسەتۋ بويىنشا 5 شارا جوسپارلاندى. سول سياقتى مەملەكەتتىك ەنەرگەتيكالىق رەەستر باعىتىندا 3 شارا بار»، - دەدى تولەگەن قۇلىشيەۆ قالالىق ءماسليحاتتىڭ وتىرىسىندا جاساعان بايانداماسىندا.
ونىڭ ايتۋىنشا، بۇگىندە ەنەرگەتيكا سەكتورىندا جوسپارلانعان 63 ءىس-شارانىڭ 55 ءى ىسكە استى.
«تۇرعىن ءۇي سەكتورىندا 15 شارانىڭ بىرەۋى عانا ورىندالعان جوق. باسقا سەكتورلار بويىنشا كەشەندى جوسپاردىڭ كوپشىلىگى ىسكە اسىرىلدى. ال كەي سەكتورلاردا جوسپار تولىقتاي جۇزەگە استى. جالپى قالالىق ەلەكتر قۋاتىن ۇنەمدەۋدىڭ كەشەندى جوسپارى %89,3 عا ورىندالدى. ناقتى ايتقاندا، 12 مىڭ توننادان استام وتىن، ياعني 35 مۆت/ساع ەلەكتر قۋاتىن ۇنەمدەدىك»، - دەيدى ول.