ب ۇ ۇ: وتكەن اپتادا جەر ورتا تەڭىزىندە 880 بوسقىن قازا تاپتى

استانا. قازاقپارات - وتكەن اپتادا جەر ورتا تەڭىزىندە 880 بوسقىن قازا تاپتى، دەپ حابارلادى ب ۇ ۇ بوسقىندار ىستەرى اگەنتتىگىنىڭ رەسمي وكىلى ۋيليام سپيندلەر.

كوبىنەسە ەۋروپاعا وتۋگە تىرىسقان بوسقىنداردىڭ قايىقتارى اۋدارىلىپ، سۋعا باتىپ كەتكەن.

جىل باسىنان جەر ورتا تەڭىزىندە 2,5 مىڭعا جۋىق ادام سۋعا كەتتى. وتكەن جىلى سايكەس كەزەڭدە - 1,8 مىڭ ادام، 2014 -جىلدىڭ العاشقى بەس ايىندا 57 ادام اجال قۇشقان، دەپ حابارلادى بي- بي- سي.

بيىل ب ۇ ۇ باعالاۋىنشا، ەۋروپاعا جەر ورتا تەڭىزى ارقىلى 200 مىڭداي ادام وتۋگە تىرىسقان. ولاردىڭ تورتتەن ءۇشى تۇركيادان گرەكياعا جەتكەن. 47 مىڭداي ادام يتالياعا وتكەن.

بۇل رەتتە سولتۇستىك افريكادان يتالياعا ءوتۋ بارىنشا كۇردەلى.

ەۆروپول مامىر ايىنىڭ باسىندا بوسقىنداردىڭ ەۋروپاعا ءوتۋ جولى تۋرالى بايانداما جاسادى. ەۋروپالىق پوليتسەيلەردىڭ پىكىرىنشە، ميگرانتتاردىڭ مارشرۋتىن قىلمىستىق توپ ۇيىمداستىرادى. بۇل بيزنەس اينالىمىن «ەۆروپول» 5-6 ميلليارد دوللارعا باعالادى.