اقمولا وبلىسىندا ءبىر كۇننىڭ ىشىندە 87 شەتەل ازاماتى جاۋاپكەرشىلىككە تارتىلدى
بۇل تۋرالى وبلىستىق ءى ءى د-ءنىڭ باسپا ءسوز قىزمەتىنەن حابارلادى.
پوليتسەيلەردىڭ مالىمەتى بويىنشا، بۇل جولى وبلىس اۋماعىندا «زاڭسىز كەلۋشى» رەسپۋبليكالىق جەدەل-الدىن الۋ شاراسىنىڭ ەكىنشى كەزەڭى ءوتتى. اكسيانىڭ العاشقى كۇنى 87 شەتەل ازاماتىنىڭ كوشى-قون زاڭناماسىن بۇزعانى انىقتالسا، ونىڭ ىشىندە 33 ىنە ق ر اۋماعىندا بولۋ مەرزىمى قىسقارتىلدى. ءبىر تاۋلىكتىڭ ىشىندە زاڭ بۇزعان 20 قازاقستان ازاماتى جاۋاپقا تارتىلىپ، 3 شەتەلدىك ەلدەن الاستاتىلدى.
«زاڭسىز كەلۋشى» رەسپۋبليكالىق جەدەل-الدىن الۋ شاراسى بارىسىندا استانا قالاسىنىڭ پوليتسەيلەرى اقمولا وبلىسى اقسۋ كەنتىندە ۇرلىق جاساعانى ءۇشىن بىرنەشە اي بويى ىزدەۋدە جۇرگەن قىلمىسكەردى ۇستادى.
سونىمەن قاتار قازاقستان رەسپۋبليكا اۋماعىنان شىعارىپ جىبەرۋ جونىندەگى سوت شەشىمىن ورىنداماعان وزبەكستان جانە رەسەي ەلىنىڭ ەكى ازاماتىنا قاتىستى ق ر ق ك 330- بابىنىڭ 1- ءبولىمى (شىعارىپ جىبەرۋ جونىندەگى سوت شەشىمىن ورىنداماۋ) بويىنشا قىلمىستىق ءىس قوزعالدى.
«زاڭسىز كەلۋشى» رەسپۋبليكالىق جەدەل-الدىن الۋ شاراسى قىركۇيەكتىڭ 27 ىنە دەيىن جالعاساتىن بولادى.
