قازاقستاندا وتاندىق وندىرۋشىلەر مەن ەكسپورتتاۋشىلاردى قولداۋعا 85 ميلليارد تەڭگە بولىنەدى

استانا. قازاقپارات - قازاقستان رەسپۋبليكاسىنىڭ ۇكىمەتى مەن قازاقستان رەسپۋبليكاسى ۇلتتىق بانكىنىڭ وتاندىق وندىرۋشىلەر مەن ەكسپورتتاۋشىلاردى قارجىلاندىرۋدى قامتاماسىز ەتۋ جونىندەگى 2015-2016-جىلدارعا ارنالعان بىرلەسكەن ءىس-قيمىل جوسپارى بەكىتىلدى.

وندا ورتا جانە ءىرى كاسىپكەرلىكتى قولداۋعا باعىتتالعان شارالارى كەشەندى بەلگىلەنگەن.

قولداۋ «قازاقستاننىڭ دامۋ بانكى» اكسيونەرلىك قوعامىنىڭ («ق د ب» ا ق) ەنشىلەس ۇيىم «ق د ب- ليزينگ» اكسيونەرلىك قوعامىمەن بىرلەسىپ، ليزينگ جانە/نەمەسە قارىز تەتىگى ارقىلى مىناداي ءتورت باعىت بويىنشا قارجىلاندىرۋدى ۇسىنۋى جولىمەن جۇزەگە اسىرىلادى:

1) ءبىرىنشى باعىت: وتاندىق اۆتو وندىرۋشىلەردى قولداۋ؛

2) ەكىنشى باعىت: «ەۋروكوپتەر» تىكۇشاقتارىنىڭ ءوندىرىسىن قولداۋ؛

3) ءۇشىنشى باعىت: جولاۋشىلار ۆاگوندارىنىڭ ءوندىرىسىن قولداۋ؛

4) ءتورتىنشى باعىت: ەكسپورتتاۋشىلاردى قولداۋ.

ماقساتقا قول جەتكىزۋ جانە قويىلعان مىندەتتەردى ىسكە اسىرۋ تەتىكتەرى

قازاقستان رەسپۋبليكاسى ۇلتتىق قورىنىڭ قاراجاتىنان 2015-2016-جىلدارى وتاندىق وندىرۋشىلەر مەن ەكسپورتتاۋشىلاردى قولداۋ ءۇشىن و ى ك س جالپى قارجىلاندىرۋ كولەمى 85 ميلليارد تەڭگەنى قۇرايدى.

وسى ماقساتتار ءۇشىن «بايتەرەك» ۇلتتىق باسقارۋشى حولدينگى» اكسيونەرلىك قوعامى («بايتەرەك» ۇ ب ح» ا ق) وبليگاتسيالار اينالىمىنىڭ باستالۋ كۇنىنەن باستاپ 20 جىلعا دەيىنگى مەرزىمدە جىلدىق %0,1 سىياقى مولشەرمەسى بويىنشا 85 ميلليارد تەڭگە سوماسىنا (2015-جىلى 70 ميلليارد تەڭگە جانە 2016-جىلى 15 ميلليارد تەڭگە) وبليگاتسيالار شىعارۋ ارقىلى ۇلتتىق قوردان قارىز الۋدى جۇزەگە اسىرادى. وبليگاتسيالىق قارىزداردى وتەۋ مەرزىمى - ەميتەنتتىڭ باستاماسى بويىنشا مەرزىمىنەن بۇرىن وتەۋ قۇقىعىمەن اينالىم مەرزىمىنىڭ سوڭىندا.

قاراجات العاننان كەيىن «بايتەرەك» ۇ ب ح» ا ق جوعارىدا اتالعان ءتورت باعىت بويىنشا «ق د ب» ا ق شارالاردى ىسكە اسىرۋ ءۇشىن مىناداي نەگىزگى شارتتاردا قارىز شارتىن جاساسۋ ارقىلى 2015-جىلى 70 ميلليارد تەڭگە جانە 2016-جىلى 15 ميلليارد تەڭگە كولەمىندە قارىز قاراجاتىن بەرەدى:

1) سىياقى مولشەرلەمەسى - جىلدىق %0,15؛

2) قارىز مەرزىمى - 20  جىلعا دەيىن؛

3) نەگىزگى قارىزدى تولەۋ - قارىز الۋشىنىڭ باستاماسى بويىنشا مەرزىمىنەن بۇرىن وتەۋ قۇقىعىمەن اينالىم مەرزىمىنىڭ سوڭىندا؛

4) قارىز بويىنشا سىياقىنى تولەۋ - جىلىنا 2 رەت؛

5) قارىزدىڭ نىسانالى ماقساتى - وتاندىق اۆتو وندىرۋشىلەر، تىكۇشاقتار جانە جولاۋشىلار ۆاگوندارىن وندىرۋشىلەر ءۇشىن ليزينگ جانە/نەمەسە قارىز تەتىگى ارقىلى قارجىلاندىرۋدى ۇسىنۋ؛ ەكسپورتتىق جانە ەكسپورت الدىنداعى كرەديت بەرۋ؛

6) قارىز كولەمى - 85 ميلليارد تەڭگە، ولاردىڭ ىشىندە 2015 -جىلى: وتاندىق اۆتو وندىرۋشىلەردى قولداۋعا - 20 ميلليارد تەڭگە، «ەۋروكوپتەر» تىكۇشاقتارىنىڭ ءوندىرىسىن قولداۋعا - 10 ميلليارد تەڭگە، جولاۋشىلار ۆاگوندارىنىڭ ءوندىرىسىن قولداۋعا - 5 ميلليارد تەڭگە جانە ەكسپورتتاۋشىلاردى قولداۋعا - 35 ميلليارد تەڭگە؛

2016-جىلى ەكسپورتتاۋشىلاردى قولداۋعا - 15 ميلليارد تەڭگە. «ق د ب» ا ق ۇلتتىق قوردان بولىنەتىن قاراجاتتان تولەمدەر جاساۋ ءۇشىن ق ر ۇ ب- دە جەكە بانكتىك شوتتى اشادى.

«بايتەرەك» ۇ ب ح» ا ق «ق د ب» ا ق- نىڭ ق ر ۇ ب- داعى جەكە بانكتىك شوتىندا جاسالعان قارىز شارتىنىڭ شارتتارىنا سايكەس قاراجات سوماسىن ورنالاستىرادى.

«ق د ب» ا ق وسى جوسپاردا ايقىندالعان شارتتاردا ءتورت باعىت بويىنشا و ى ك س قارجىلاندىرۋدى ۇسىنادى.