پاۆلوداردا 83 جاستاعى قارت ادام جوعالدى
تۋىستارى 83 جاستاعى قاناتبەك جابىقبايەۆتىڭ «مەتاللۋرگ» باقشاسىندا جوعالىپ كەتكەنىن حابارلادى. ولاردىڭ ايتۋىنشا، ول كۇندە ساياجايعا بارادى. الايدا 26-ماۋسىم كۇنى ساعات 18:00 شاماسىندا ەر ادام تەلەفونعا جاۋاپ بەرمەگەندىكتەن تۋىستارى الاڭداي باستاعان.
«تۋىستارى ساياجايعا كەلگەندە ول جەردە ەشكىم بولمادى. جوعالعان ادامنىڭ ۇيالى تەلەفونى مەن زاتتارى سول جەردە بولعان. ول ۆانناعا سىپىرعىش جاساۋ ءۇشىن قايىڭ وسكەن جەرگە بارۋى مۇمكىن دەگەن بولجام بار. ونى ءتۇننىڭ ءبىر ۋاعىنا دەيىن تۋىستارى مەن پوليتسيا قىزمەتكەرلەرى ىزدەدى»، - دەيدى VITA وتريادىنىڭ ەرىكتىلەرى.
تاڭەرتەڭگى ساعات التىدان باستاپ ەرىكتىلەر، پوليتسەيلەر، جوعالعان ەر ادامنىڭ تۋىستارى مەن دوستارى ىزدەۋ جۇمىستارىن قايتا باستادى.
قاناتبەك جابىقبايەۆتىڭ ەرەكشەلىكتەرىنىڭ ءبىرى، بويى - 178 سانتيمەتر، قوڭىر كوزدى، قىسقا سۇر شاشتى. وڭ اياعىنىڭ باس بارماعى وڭعا قاراي قيسايعان.
تۋىستارىنىڭ بولجامىنشا، قارت كىسى كوك ءتۇستى ۇزىن شورت، فۋتبولكا، ءۇش قىزىل جولاعى بار قارا كروسسوۆكا كيگەن.
