بۇگىن «مەنىڭ قازاقستانىم» پويىزىنىڭ ماماندارى حرومتاۋ اۋدانىنىڭ 83 تۇرعىنىنىڭ ماسەلەلەرىن شەشتى - فوتو

حرومتاۋ. قازاقپارات - «مەنىڭ قازاقستانىم» پويىزىنىڭ ماماندارى حرومتاۋ اۋدانىنىڭ 83 تۇرعىنىنىڭ ماسەلەلەرىن شەشىپ بەردى. بۇل تۋرالى قورىتىندى بريفينگتە اقتوبە وبلىسى حرومتاۋ اۋدانىنىڭ اكىمى ايازباي وسماناليەۆ ايتتى.

«بۇگىن «مەنىڭ قازاقستانىم» پويىزى تۇرعىندارعا كۇنى بويى ارنايى دايىندالعان جەرلەردە «قوعامدىق قابىلداۋلار» وتكىزىپ، وندا تۇرعىندارعا مەديتسينالىق، الەۋمەتتىك جانە قۇقىقتىق قىزمەت، سونداي-اق اۋىل شارۋاشىلىق جانە كاسىپكەرلىك سالالار بويىنشا كونسۋلتاتيۆتىك قىزمەت كەشەنى كورسەتىلىپ، اۋدان حالقىنا جان-جاقتى ءتۇسىندىرۋ جۇمىستارى جۇرگىزىلدى.

جوعارىدا اتالعان ماسەلەلەر بويىنشا 83 ازامات قاناعاتتانارلىق جاۋاپ الدى، تۇرعىندار قويعان ساۋالدار كوبىنەسە زەينەتاقى، تۇرعىن ءۇي، جەكە ىسكە بانكتەن نەسيە الۋ توڭىرەگىندە بولدى. جەرگىلىكتى سالا باسشىلارى شەشىمىن كۇتكەن وتىنىشتەردىڭ بارلىعى قاناعاتتانارلىق جاۋاپ الدى»، - دەدى ول.

سونىمەن قاتار، اكىمنىڭ مالىمەتىنشە، پويىز قۇرامىندا كەلگەن دارىگەرلەر 200 گە جۋىق ادامدى قابىلدادى.

اۆتور: ءابۋ-اسقار مەكەش ۇلى