سايلاۋشىلاردىڭ 81,95 پايىز داۋىسىن يەلەنگەن «نۇر وتان» پارتياسى ايقىن جەڭىسكە جەتتى
بۇل تۋرالى بۇگىن استانادا وتكەن بريفينگتە «مەديا كونسۋل» الەۋمەتتىك اگەنتتىگىنىڭ ديرەكتورى يۋري چەركاسوۆ ءمالىم ەتتى. ەسكە سالا كەتەيىك، «ق ر سايلاۋ تۋرالى» زاڭناماعا سايكەس، Exit-poll قورىتىندىسى ب ا ق پەن قوعامعا 21 - ناۋرىزدا ساعات 00:00-دەن كەيىن ۇسىنىلادى.
«مەديا كونسۋل» الەۋمەتتىك اگەنتتىگىنە Exit-poll-عا تاپسىرىستى «باس رەداكتورلار كلۋبى» قوعامدىق بىرلەستىگى بەرگەن. جالپى سۇراۋ سالۋ كەزدەيسوقتىقپەن تاڭدالىپ، 40050 ادام شاراعا تارتىلعان. ولارعا «ءسىز قاي پارتياعا داۋىس بەردىڭىز؟ » دەگەن جالعىز عانا سۇراق قويىلدى.
«ساۋالناما ناتيجەسى كورسەتكەنىندەي، «نۇر وتان» پارتياسى - 81,95 پايىز داۋىس، قازاقستاننىڭ كوممۋنيستىك حالىق» پارتياسىنا - 7,22 پايىز، «اق جول» پارتياسىنا - 7,24 پايىز، «بىرلىك» پارتياسىنا - 0,39 پايىز، «جالپى ۇلتتىق سوتسيال- دەموكراتتار» پارتياسىنا - 1,20 پايىز، «اۋىل» پارتياسى 2 پايىز داۋىس جينادى»، دەدى يۋ. چەركاسوۆ.
اگەنتتىك باسشىسىنىڭ ايتۋىنشا، سايلاۋ بارىسىندا ەلىمىزدىڭ بارلىق وبلىس ورتالىقتارىندا، شاعىن قالالار مەن اۋىلدىق وكرۋگتەردە بارلىعى 225-تەي داۋىس بەرۋ ۋچاسكەسىندە ساۋالناما جۇرگىزىلگەن.
ەكزيت- پولل - دامىعان مەملەكەتتەردە كەڭىنەن تارالعان حالىقارالىق تاجىريبە. بۇنداي زەرتتەۋ بىرەگەي الەۋمەتتىك مالىمەتتەر الۋعا مۇمكىندىك بەرەدى ءارى زەرتتەۋلەر سايلاۋدىڭ ايقىندىلىعىن، سونداي- اق تۇتاستاي ەلەكتوراتتىق مادەنيەتتى ارتتىرادى. زەرتتەۋ اياسىندا استانانىڭ جانە الماتىنىڭ، سونداي- اق، ءاربىر ءوڭىردىڭ قالالىق جانە اۋىلدىق حالقى تەپە- تەڭ ۇسىنىلعان. ساۋالنامانى وتكىزۋگە 250-گە جۋىق سۇحبات الۋشى تارتىلىپ، ولاردىڭ جۇمىسىن 16 وڭىرلىك مەنەدجەر ۇيلەستىرگەن.
ەسكە سالا كەتەيىك، سوڭعى مالىمەتتەر بويىنشا قازاقستانداعى پارلامەنت ءماجىلىسى مەن ءماسليحات دەپۋتاتتارىن سايلاۋ بارىسىندا 7 ميلليون 500 مىڭنان استام سايلاۋشى داۋىس بەردى. ق ر ورتالىق سايلاۋ كوميسسياسىنىڭ ءتوراعاسى قۋاندىق تۇرعانقۇلوۆتىڭ ايتۋىنشا، الدىن الا اقپاراتقا سايكەس، رەسپۋبليكا بويىنشا تىزىمگە ەنگىزىلگەن بارلىق سايلاۋشىلاردىڭ 77,1 پايىزى داۋىس بەرۋگە قاتىستى.
«وتكەن سايلاۋلاردىڭ دەرەكتەرىمەن سالىستىرعاندا بۇل - رەكوردتىق كورسەتكىش»، - دەدى ق. تۇرعانقۇلوۆ.
اۆتور: قانات مامەتقازى ۇلى
