ايەلدەرگە ارنالعان ۆاگوندارمەن 80 مىڭنان استام جولاۋشى ساپارلاعان

استانا. قازاقپارات - بيىلعى جىل باسىنان ايەلدەر ۆاگوندارىندا جول ءجۇرۋ مۇمكىندىگىن 80 مىڭنان استام ايەل-جولاۋشى پايدالانعان، ال پيلوتتىق جوبا ىسكە قوسىلعالى - 200 مىڭنان استام، دەپ حابارلايدى قازاقپارات «قازاقستان تەمىر جولىنىڭ» باسپا ءسوز قىزمەتىنە سىلتەمە جاساپ.

بۇگىنگى تاڭدا ايەلدەرگە ارنالعان ۆاگوندار 8 باعىتتاعى پويىزداردا بار: الماتى - وسكەمەن، الماتى - ماڭعىستاۋ، پاۆلودار - تۇركىستان، ماڭعىستاۋ - سەمەي، اتىراۋ - استانا، اقتوبە - الماتى، استانا - الماتى، استانا - شىمكەنت.

bilet.railways.kz سايتىندا نەمەسە «جولاۋشىلار تاسىمالى» ا ق-نىڭ بيلەت كاسسالارىندا جول ءجۇرۋ قۇجاتتارىن رەسىمدەۋ كەزىندە ايەلدەرگە ارنالعان ۆاگون «ج ن» ارنايى ليتەراسىمەن بەلگىلەنەدى.

ۆاگونداردا بارلىق قاجەتتى جاعداي جاسالعان جانە ايەل جولسەرىكتەر قىزمەت كورسەتەدى. ءار رەيس الدىندا پويىز بريگاداسىنىڭ بارلىق قىزمەتكەرلەرى نۇسقاۋدان وتەدى. 7 جاسقا دەيىنگى ۇل بالالار دا اتالعان قۇرامدا ساپارلاي الادى.