اباي وبلىسىنا بيىل 80 قانداس قونىس اۋداردى
اباي وبلىسى اكىمدىگىنىڭ مالىمەتىنە سۇيەنسەك، «قۋاتتى وڭىرلەر - ەل دامۋىنىڭ درايۆەرى» ۇلتتىق جوباسى اياسىندا وبلىس بويىنشا قانداستار مەن قونىس اۋدارۋشىلاردى قابىلداۋ بەلسەندى جۇرۋدە.
«اباي وبلىسى قۇرىلعالى 2022 -جىلى 302 ادامعا قونىس اۋدارۋعا وڭىرلىك كۆوتاسى بەكىتىلىپ، ول تولىعىمەن ورىندالدى. وسى جىلى قانداستار مەن قونىس اۋدارۋشىلاردى قابىلداۋدىڭ وڭىرلىك كۆوتاسى - 434 ادام. بۇگىنگى تاڭدا 80 قانداس جانە 206 قونىس اۋدارۋشىلار كۆوتاعا ەنگەن»، - دەلىنگەن اقپاراتتا.
ۇلتتىق جوبا اياسىندا قانداستار جانە ونىڭ ءار وتباسى مۇشەسىنە مەملەكەتتىك سۋبسيديا تۇرىندە ءبىرقاتار مەملەكەتتىك قولداۋ كورسەتىلەدى. ناقتى ايتقاندا، كوشىپ كەلگەندە بىررەتتىك 70 ا ە ك (241500 تەڭگە) ، تۇرعىن ءۇيدى جالعا الۋعا جانە كوممۋنالدىق قىزمەتتەرگە اقى تولەۋ شىعىستارىن جابۋ ءۇشىن 15-30 ا ە ك (51750-103500 تەڭگە) بەرىلەدى. سونداي- اق تۇرعىن ءۇيدى ساتىپ الۋعا نەمەسە باسپانا قۇرىلىسىنا 4 ميلليون تەڭگە كولەمىندە سەرتيفيكات قاراستىرىلعان.
ەسكە سالساق، وسىعان دەيىن اباي وبلىسىندا جەكە كاسىبىن باستاعىسى كەلەتىن كوپبالالى وتباسىلارعا 70 گرانت بەرىلەتىندىگىن حابارلاعان ەدىك.
